მერაბ ტურავა საკონსტიტუციო სასამართლოს თავმჯდომარის არჩევასთან დაკავშირებით განმარტებას აკეთებს. ტურავას თქმით, დღეს კენჭისყრა მხოლოდ იმ შემთხვევაში ჩატარდებოდა თუ პლენუმის თითოეული წევრი ამისთვის მზად იქნებოდა:

,,კანონი ითვალისწინებს ორკვირიან ვადას კანდიდატურების დასახელებისთვის, მაგრამ თუ მოსამართლეები ჩამოყალიბდებოდნენ ერთ დღეში, ორ დღეში, რა თქმა უნდა დღეს კენჭისყრა გაიმართებოდა. მოსამართლეთა ნაწილმა განაცხადა, რომ მათ კიდევ სჭირდებოდათ დრო, რომ კანდიდატურაზე ჩამოყალიბებულიყვნენ. ერთი მოსამართლეც რომ დაკლებოდა, ჩვენ არ ჩავატარებდით კენჭისყრის პროცედურებს იმიტომ, რომ ყველა მოსამართლემ უნდა მიიღოს მონაწილეობა კანდიდატურების დასახელების პროცესში", - ამბობს მერაბ ტურავა.