კომუნიკაციების ეროვნულ კომისია „რ2“- ის სოციოლოგიურ კვლევებზე მსჯელობს

პოლიტიკა - 18:10, 06 Oct, 2016

2764

საქართველოს კომუნიკაციების ეროვნულ კომისია „რუსთავი2“-ის მიერ გამოქვეყნებულ სოციოლოგიური კვლევების საკითხზე მსჯელობს, როგორც ცნობილია საქართველოს კომუნიკაციების ეროვნულ კომისიას ჟურნალისტმა შალვა რამიშვილმა განცხადებით მიმართა და ტელეკომპანია „რუსთავი 2“-ის დაკვეთით GFK Customs Research LLC მიერ ჩატარებული საზოგადოებრივი აზრის კვლევის შედეგების კანონიერების შესწავლა მოსთხოვა. რამიშვილის თქმით საზოგადოებრივი აზრის კვლევის შედეგებს ტელეკომპანია "რუსთავი 2" და კომპანია GFK აყალბებენ.

სხდომაზე ტელეკომპანია „რუსთავი2“-ის გენერალურმა დირექტორმა ნიკა გვარამიამ და კომისიის ერთ-ერთ წევრმა კახა ბექაურმა იკამათეს. კამათის მიზეზი ბექაურის განცხადება გახდა იმასთან დაკავშირებით, რომ კვლევის დამკვეთმა უნდა გადაამოწმოს იმ კვლევის შედეგები, რომელსაც აქვეყნებს.

"კანონსს არასწორად კითხულობთ და განმარტავთ. აქაც თქვენზე მეტი გამოცდილება მაქვს. თქვენი პრაქტიკა მწირია. ჩვენ ვერ მოგაწვდით იმ ინფორმაციას, რასაც კვლევის შემსრულებელი ფლობს. კანონი რასაც გვავალდებულებს, ვასრულებთ, დანარჩენი თქვენი თავის ტკივილია, მიდით გადაამოწმეთ", - განაცხადა გვარამიამ.