საქართველოს პარლამენტის ტავმჯდომარის განცხადებით პოლიტიკოსებმა სამართალდამცავ ორგანოებთან მეტი სიმტკიცე უნდა გამოიჩინონ. დავით უსუფაშვილმა ჟურნალისტებთან საუბრისას აღნიშნა, რომ სამართალდამცავი ორგანოები არც მმართველო პარტიისა და არც მართვის სურვილის მქონე პარტიის მსახურნი არ არიან:

„როცა პოლიტიკოსები გამოდიან, აკეთებენ შეფასებებს, პროგნოზებს თუ საიდან იქნება დარტყმა, ვინ იქნება ამფეთქებელი და აბა ეხლა მიდი შსს და გამოიძიე. სამართალდამცავი ორგანოები უნდა გავათავისუფლოთ პოლიტიკური პირდაპირი თუ არაპირდაპირი წნეხისგან, რომ ებრძოლონ დანაშაულს.

დიდი ხანია ვსაუბრობ იმაზე, რომ სუს-მა პროკურატურამაც და პოლიციამაც უნდა იმოქმედოს დანაშაულის აღსაკვეთათ და დამნაშავეების გამოსავლენად. მე ველი იმ დღეს, როდესაც პოლიცია, პროკურატურა და უშიშროების სამსახურები გამოათრევენ ბუნაგებიდან იმ დამნაშავეებს, რომლებიც რაღაცეებს ჩადიან და შეწყდება ის არანორმალური ვითარება, როდესაც ამის შესახებ ჩვენ ვიგებთ ან ინტერნეტში ინკოგნიტო ადამიანების მიერ გავრცელებული ფარული ჩანაწერებისგან, ან ექსპერტების პროგროზნებიდან ან მათი ვარაუდებიდან”,- აღნიშნა უსუფაშვილმა.