ქართული ოცნება მმართველობის ოთხ წელზე და სამომავლო გეგმებზე

პოლიტიკა - 22:43, 05 Oct, 2016

3313

ქართული ოცნების წარმომადგენლებმა "რუსთავი 2"- ის ღია ეთერში მმართველობის 4 წელი შეაჯამეს და პარტიის სამომავლო გეგმებზე ისაუბრეს.

კახა კალაძემ თავის გამოსვლაში ყურადღება ვიზალიბერალიზაციის პროცესში მიღწეულ წარმატებაზე გაამახვილა.

ვიცე-პრემიერმა ხაზგასმით აღნიშნა, რომ მმართველი გუნდის საგარეო პრიორიტეტი ევროატლანტიკურ სტრუქტურებში ინტეგრაციაა.

კალაძე 2004-2012 წლებში ქვეყანაში არსებული მდგომარეობაზე საუბრობს. მისი თქმით, ქვეყნის განვითარებაში ბიძინა ივანიშვილმა დიდი წვლილი შეიტანა.

"ქართული ოცნება არ დაუშვებს იმას, რომ ქვეყანაში დაბრუნდეს ძალადობა ან მოვიდეს ისეთი ძალა, რომლებიც იძალადებენ ხალხზე. ნებისმიერ ადამიანს შეიძლება, ჰქონდეს განსხვავებული აზრი და ამისთვის არ იდევნებიან," - განაცხადა კალაძემ.

სტუდიაში ასევე ისაუბრა პარტია ქართული ოცნების აღმასრულებელმა მდივანმა, ირაკლი კობახიძე ამბობს, რომ ქვეყანაში, წინა ხელისუფლებისგან განსხვავებით, საკუთრების უფლება მათი ხელისუფლებაში ყოფნის პერიოდში დაცულია.

კობახიძემ ასევე აღნიშნა, რომ მედიასივრცე თავისუფალია.

"ხელისუფლებას არა აქვს თავის ტელეკომპანია, მაგრამ აქვს რიგით მეორე, ოპოზიციურ ძალას," - აცხადებს კობახიძე.

ქართული ოცნების აღმასრულებელმა მდივანმა ასევე აღნიშნა, რომ სასამართლო ხელისუფლება ბოლო 4 წლის განმავლობაში თავისუფალია.