ერთიანი ნაციონალური მოძრაობის ლიდერი გიორგი ბარამიძე ხელისუფლების წარმომადგენლებისა და თავისუფალი ზონის ყოფილი წევრების განცხადებას, იმის შესახებ, რომ გუშინ მომხდარი აფეთქება ენმ-ს ინტერესებში შედიოდა აბსურდს უწოდებს.

თავისუფალი ზონის ყოფილ წევრებს კი გამყიდველებად მოიხსენიებს.

"მანქანის დაწვასა და ადამიანის აფეთქებას შორის დიდი განსხვავება, ამიტომ ზონის ყოფილმა წევრებმა რა განაცხადეს, მაგას მნიშვნელობა არ აქვს. უბედურება კი ის არის, რომ ნაცვლად იმისა, რომ ხელისუფლება პასუხისმგებლობას გრძნობდეს იმ უბედურებაზე რაც ქვეყანაში ხდება, როცა ქუჩაში ესვრიან როგორც რიგით ისევე პოლიტიკურ ფიგურებს, თითის სხვა მიმართულებით გაშვერაზეა ორიენტირებული, რომელსაც ხალხი უარს ეუბნება"- განუცხადა "ნიუპოსტს" გიორგი ბარამიძემ.