ჩირიკბა დაურ კოვემ შეცვალა - ცვლილებები აფხაზეთის დე ფაქტო მთავრობაში

პოლიტიკა - 15:11, 05 Oct, 2016

1713

აფხაზეთის საოკუპაციო რეჟიმს ახალი საგაეო საქმეთა მინისტრი ჰყავს, ამ თანამდებობაზე ვიაჩესლავ ჩირიკბა აფხაზეთის დე ფატო პრეზიდენტის პროტოკოლის სამსახურის ხელმძღვანელმა დაურ კოვემ შეცვალა. კოვე რაულ ხაჯიმბას პროტოკოლის სამსახურს 2014 წლის ნოემბრიდან ხელმძღვანელობდა.

დაურ კოვემ 2000 წელს ბაშკირეთის სახელმწიფო უნივერსიტეტის იურიდიული ფაკულტეტი დაამთავრა „საგარეო ეკონომიკური საქმიანობის სამართლებრივი უზრუმველყოფის“ სპეციალობით.

2012-2014 წლებში მუშაობდა რუსული არაკომერციული ფონდის „ევრაზიის კვლევის ინსტიტუტის“ აფხაზეთის ფილიალში.

2014 წლიდან - რაულ ხაჯიმბას პროტოკოლის სამსახურის უფროსი იყო.

წინამორბედი ე.წ მინისტრის ვიაჩესლავ ჩირიკბას გათავიუფლების შესახებ ხაჯიმბას ე.წ ადმინისტრაცია ოფიციალურ განცხადებაში წერდა, რომ მთავარ მიზეზს, რის გამოც ვიაჩესლავ ჩირიკბა აღარ იქნა ხელახლა დანიშნული საგარეო საქმეთა მინისტრის პოსტზე, წარმოადგენს მისი უარი, ეხელმძღვანელა აფხაზეთის დელეგაციისთვის დნესტრისპირეთის მოლდავურ რესპუბლიკაში ვიზიტისას. ჩირიკბამ თავისი პოზიცია განმარტა იმით, რომ მოლდავეთის მხრიდან დეპორტაციის შემთხვევაში, მას შესაძლოა ევროპის ქვეყნებში შესვლის პრობლემა შექმნოდა.

ამ ფაქტს უარყოფდა თავად ჩირიკბა, მისი თქმით, მან არ იცის რეალური მიზეზი თუ რატომ მოხდა მისი საგარეო უწყებიდან ჩამოშორება, თუმცა როგორც ის აცხადებს „მიზეზი კარგად იციან პრეზიდენტმა, პრემიერმა და მათმა მრჩეველებმა“.