ჟენევაში მოლაპარაკებების 37-ე რაუნდი იმართება

პოლიტიკა - 13:58, 05 Oct, 2016

1283

ჟენევაში მოლაპარაკებების 37-ე რაუნდი იმართება. შეხვედრაზე, რომელშიც ევროკავშირის, გაერო-სა და ეუთო-ს წარმომადგენლებთან ერთად საქართველოს, რუსეთის , აშშ-ის და სოხუმისა და ცხინვალის საოკუპაციო რეჟიმების წარმომადგენლები მონაწილეობენ, ქართული მხარისგან წარმოდგენილი ერთ-ერთი მთავარი თემა გიგა ოოთხოზორიას მკვლელობის საქმე იქნება, ქართული მხარე კიდევ ერთხელ მოითხოვს ოთხოზორიას მკვლელის დაკავებასა და მის დასჯას. ასევე მთავარი განსახილველი საკითხი იქნება საოკუპაციო რეჟიმის მიერ ე.წ. საზღვარზე მავთულხლართების დამონტაჟების საკითხი და მილიტარიზაციის პროცესი.

ცხინვალის საოკუპაციო რეჟიმის წარმომადგენლების თქმი, ისინი კიდევ ერთხელ მოითხოვენ, რომ მიღებული იქნას ერთობლივი განცხადება ძალის გამოუყენებლობასთან დაკავშირებით ასევე ქართულ მხარეს ე. წ საზღვრის დელიტიმაციასთან დაკავშირებით ერთობლივ მუშაობას შესთავაზებენ. ძალის გამოუყენებლობის შესახებ შეთანხმების იურიდიულ გაფორმებას ითხოვს აფხაზეთის საოკუპაციო რეჟიმიც.

ჟენევის საერთაშორისო მოლაპარაკებების 37-ე რაუნდი ამჯერადაც ორდღიანია და 4-5 სექტემბერს იმართება.

ჟენევის საერთაშორისო მოლაპარაკებების ფორმატი შეიქმნა საქართველოსა და რუსეთს შორის 2008 წლის 12 აგვისტოს ცეცხლის შეწყვეტის შეთანხმების შესაბამისად და მისი პირველი რაუნდი გაიმართა 2008 წლის 15 ოქტომბერს.

ცეცხლის შეწყვეტის შეთანხმებისა და ჟენევის მოლაპარაკებების სახელმძღვანელო დოკუმენტის შესაბამისად, მოლაპარაკებები მიმდინარეობს ორი პარალელური სამუშაო ჯგუფის ფარგლებში.პირველ სამუშაო ჯგუფის ფარგლებში განიხილება უსაფრთხოების თემატიკა, კერძოდ რუსეთსა და საქართველოს შორის ძალის გამოუყენებლობის შესახებ შეთანხმების მიღწევა და საქართველოს ოკუპირებულ რეგიონებში უსაფრთხოების საერთაშორისო მექანიზმების შექმნა. მეორე სამუშაო ჯგუფში განიხილება იძულებით გადაადგილებულ პირთა და ლტოლვილთა თავიანთ სახლებში დაბრუნების საკითხი, ასევე სხვა ჰუმანიტარული საკითხები