გიორგი ქვრივიშვილის ორგანიზებით კასპში მასშტაბური კონცერტი გაიმართა

პოლიტიკა - 10:15, 05 Oct, 2016

2265

კასპის რაიონის მაჟორიტარობის დამოუკიდებელი კანდიდატის გიორგი ქვრივიშვილის ორგანიზებით კასპში მასშტაბური კონცერტი ჩატარდა. კასპის რაიონის მაცხოვრებლებისთვის ნინო ჩხეიძემ, მარკუს მეტრეველმა, გია ნიკოლაძემ ნაცნობი და საყვარელი სიმღერები შეასრულეს.ღონისძიება, რომელზე დასასწრებადაც ხუთი ათასამდე ადამიანი მივიდა, თამუნა მუსერიძემ და სანდრო მიკუჩაძემ წაიყვანეს. აღმაშენებლის ქუჩაზე გამართული საღამო ფოირვერკმა დააგვირგვინა.

გიორგი ქვრიშვილი: „კასპში განსაკუთრებული მუხტით, ერთობით და გულწრფელი ემოციებით სავსე დღე იყო. უამრავი ადამიანი შეიკრიბა,მიუხედავად იმისა,რომ გზის გადაკეტვა დაგეგმილი არ გვქონდა, ღონისძიებისთვის განკუთვნილ სივრცეში ადგილი აღარ იყო, ხალხი რაიონის უკლებლივ ყველა სოფლიდან ჩამოვიდა. იმდენად დიდი ერთობა და უშუალობა იგრძნობოდა, რომ უამრავი ადამიანი სცენაზეც კი ავიდა, რომ საყვარელ მომღერლებთან ახლოს ყოფილიყვნენ. რა თქმა უნდა, ძალიან დიდ მადლობას ვუხდი შეკრებილებს მოსვლისთვის, ასეთი ემოციებისთვის, ჩემი მხარდაჭერისთვის და ვიმეორებ იგივეს, რაც კასპელების წინაშე ვთქვი–ჩვენი რაიონი იმსახურებს ახალ ცხოვრებას, დიდ სიახლეებს და განსაკუთრებით ყურადღებას. კასპს გამოცოცხლება სჭირდება! ვფიქრობ,რომ ეს დღე ჩვენი გამარჯვების და წინსვლის საწინდარი იქნება!“

ცნობისთვის, გიორგი ქვრივიშვილი მაჟორიტარად კასპში თავისი კანდიდატურის წარდგენამდე კიევის ყოფილი მერის, მილიარდერის ლეონიდ ჩერნოვეცკის საინვესტიციო ფონდს 5 წელი ხელმძღვანელობდა, ქვრივიშვილი წარმოშობით კასპიდან არის.