იმედია პოლიტიკური სარჩული არ მოჰყვება, გვახსოვს ხურჩაში დადგმული სცენარი

იმედია პოლიტიკური სარჩული არ მოჰყვება, გვახსოვს ხურჩაში დადგმული სცენარი - ბესელია თარგამაძის აფეთქებაზე

პოლიტიკა - 23:37, 04 Oct, 2016

2963

კოლმეურნეობის მოედანზე ,,ნაციონალური მოძრაობის“ ერთ-ერთი ლიდერის გივი თარგამაძის ავტომობილის აფეთქების ფაქტზე კომენტარი ტელეკომპანია “მაესტროს” ეთერში ეკა ბესელიამ გააკეთა. დეპუტატი იმედოვნებს, რომ მომხდარი არ იქნება ისეთივე დადგმული სცენარი, როგორც ეს ხურჩაში იყო.

,,იმედი მინდა დავიტოვო, რომ პოლიტიკური განცხდებები და პოლიტიკური სარჩული არ მოჰყვება ახლა ამ ფაქტს და არ ექნება მცდელობა იმისა, რომ პირდაპირ მოხდეს გარკვეული, ასე ვთქვათ, სცენარის შექმნა. იმიტომ, რომ რაღაცნაირად ამოტივტივდა ჩემს მეხსიერებაში და გაირბინა იმ კადრებმა, რომელიც თავის დროზე გვახსოვს ჩვენ ხურჩაში დადგმული რაღაც სცენარი. შემდეგ ცოტა ხნის წინ გაკეთებული განცხადებები, მათ შორის, “თავისუფალი ზონის” წარმომადგენელბის მხრიდან, რომ იქნება გარკვეული დესტაბილიზაცია, მანქანების დაწვა და ა.შ. არ მინდა ვიფიქრო, რომ ამ სცენართან გვაქვს საქმე და გულწრფელად არ მინდა ვიფიქრო, რომ ამდაგვარი რამ ხდება. ამიტომ, მოდით გამოძიებას მივანდოთ პირველ რიგში ამ საქმის დადგენა, ამ ფაქტის გარკვევა, მოვისმინოთ გამოძიების ვერსია და შემდეგ შეიძლება გავაკეთოთ შეფასებები”,-განაცხადა ბესელიამ ტელეკომპანია ,,მაესტროს“ ეთერში საუბრისას.