კოლმეურნეობის მოედნის მიმდებარე ტერიტორიაზე გივი თარგამაძის კუთვნილი ავტომობილის აფეთქების ფაქტს საქართველოს ჯანდაცვის მინისტრი, დავით სერგეენკო გამოეხმაურა. სერგეენკო სამედიცინო დაწესებულებებში იმყოფებოდა, სადაც შემთხვევის შედეგად დაშავებულები გადაიყვანეს:

„ამ დროისათვის 4 დაშავებული იმყოფება ინგოროყვას კლინიკაში, ერთის მდგომარეობა არის საშუალო სიმძიმის, მას სჭირდება ოპერაციული ჩარევა, მეორე დაშავებულის მდგომარეობა საბედნიეროდ მსუბუქია, ის იმყოფება მეთვალყურეობის ქვეშ, ასევე არის ორი დაზარალებული. ამ წუთის მონაცემებით არის 4 დაზარალებულის შესახებ ინფორმაცია. სიცოცხლესთან შეუტავსებელი დაზიანებები არ არის. ფაქტი რა თქმა უნდა მიუღებელია, მითუმეტეს ის, რომ დაზარალდნენ შემთხვევითი გამვლელებიც, ფაქტი დასაგმობია. დარწმუნებული ვარ, რომ სამართალდამცავები ყველაფერს გააკეთებენ იმისთვის, რომ უმოკლეს დროში გამოიძიონ ეს საქმე“, - განაცხადა დავით სერგეენკომ.