აფეთქების სიმძლავრე, რომელიც სამიზნესთვის გარდაუვალი მსხვერპლის ნაცვლად გადარჩენის შანსი აღმოჩნდა

პოლიტიკა - 23:12, 04 Oct, 2016

26230

ნაციონალური მოძრაობის ერთ-ერთი ლიდერის, გივი თარგამაძის ავტომანქანის აფეთქებასთან დაკავშირებით ,,ნიუპოსტი“ შეეცადა სპეციალისტებთან გაევლო კონსულტაცია. ბუნებრივია, ნებისმიერი სპეციალისტი ზუსტი დასკვნებისგან თავს იკავებს. ის, რის საფუძველსაც ვიდეოკადრები იძლევა, არ შეიძლება იყოს დასკვნა საბოლოო და დაზუსტებული, თუმცა მოხდარის შედეგად მანქანის მდგომარეობა, რომელიც აბსოლუტურად გაგლეჯილია, მიანიშნებს, რომ ეს არ არის ხელყუმბარა ან სხვა ტიპის მექანიკური ნაღმი, არამედ ეს არის, სავარაუდოდ, ჰექსოგენით განხორციელებული აფეთქება. მანქანის გარეგნული სახე მიანიშნებს, რომ აფეთქების ტალღა იყო ძალიან დიდი და როგორც მანქანის კონსტრუქციიდან ჩანს, მისი კონცენტრირება არ მოხდა კონკრეტულად ერთ ადგილას, არამედ მანქანის ნახევრის გაგლეჯვის შედეგად მოასწრო გარეთ გასვლა ისე, რომ საწვავის ავზმა აალება ვერ მოასწრო. აქედან გამომდინარე, სავარაუდოდ, სრული შემთხვევითობაა, რომ შედეგი ბევრად მძიმე და ფატალური არ აღმოჩნდა.

ცნობისათვის, ჰექსოგენი რუსეთში საცხოვრებელი სახლების ცნობილი აფეთქების დროს იქნა გამოყენებული, რომელიც დღემდე პუტინის სახელს უკავშრდება.

,,ნიუპოსტი“ შეეცდება აღნიშნულ ფაქტთან დაკავშირებით კომპეტენტური პასუხები შსს-ს ექსპერტ-კრიმინალისტებისგან მიიღოს.