„ერთიანი ნაციონალური მოძრაობის“ წევრის, გივი თარგამაძის ავტომობილი კოლმეურნეობის მოედანზე ააფეთქეს. შემთხვევის შესახებ პირველი კომენტარი თარგამაძემ გადაცემა „არჩევანის“ პირდაპირ ეთერში გააკეთა:

„მოვრჩი მუშაობას და გამოვედი ოფისიდან, ჩემი მძღოლი დაჯდა საჭესთან და როგორც ჩანს ვერ გათვალეს, მე სულ წინ ვჯდები ჩემს მანქანაში. შემდეგ მოხდა ეს, თავიდან გვეგონა რომ წინიდან გვესროლეს რაღაც. შემდგომ გონს მოვეგეთ, რომ შევხედე მანქანას, მანქანის უკანა მხარე მთლიანად მოგლეჯილია, დარწმუნებული ვარ, რომ ეს ასაფეთქებელი მოწყობილობა იყო ან აკრული, ან უკანა მხარეს ჩადებული და დარწმუნებული ვარ, რომ უკან მოგვყვებოდა სხვა მანქანა რომლიდანაც განხორციელდა ეს აფეთქება, რატომ შეარჩიეს ეს ადგილი არ ვიცი, ეს მორიგი ნაძირლობაა, ჩვეულებრივი მოქალაქეები დაზარალდნენ.