სახალხო დამცველი, უჩა ნანუაშვილი უკანასკნელ დღეებში გავრცელებულ ფარულ ჩანაწერებთან დაკავშირებით განცხადებას აკეთებს. ომბუდსმენის განმარტებით, აღნიშნულ ჩანაწერებთან დაკავშირებით, ასევე ფარული მიყურადების სხვა ფაქტებთან მიმართებით, გამოძიება არ იყო სრულყოფილი და ბოლომდე მიყვანილი:

„სამწუხაროდ, ამ ჩანაწერებთან დაკავშირებით ისევე, როგორც ფარული მიყურადების არაერთ ფაქტთან დაკავშირებით, გამოძიება არ იყო სრულყოფილი და ეფექტიანი. ჩვენ წლების განმავლობაში ველოდებით კონკრეტულ შედეგებს. თუმცა, სამწუხაროდ ის, რომ საუბარი არის სხვადასხვა სახის ჩანაწერებზე, რომელიც სხვადასხვა პერიოდში გამოქვეყნდა, ზოგადად არადამაკმაყოფილებელი იყო გამოძიების ტემპები და მასშტაბები და აქედან გამომდინარე, ეს პრობლემა კვლავ იდგა და, სამწუხაროდ, წინასაარჩევნო პერიოდში, როგორც მოსალოდნელი იყო, ეს საკითხი წამოიწეოდა,“ - განაცხადა უჩა ნანუაშვილმა.