საქართველოს პრეზიდენტის პრესსპიკერი ეკა მიშველაძე ფარული ჩანაწერების გავრცელების ფაქტზე განცხადებას აკეთებს. მიშველაძის განცხადებით ფარული ჩანაწერების გავრცელება მიუღებელია:

„ასეთი მეთოდებით ბრძოლა და ზოგადად, ფარული ჩანაწერების გავრცელება არის მიუღებელი, ეს არ არის ბრძოლის სამართლიანი მეთოდი, რომ ყველა ფაქტი, რომელიც ფარული ჩანაწერების გავრცელებას ეხება, აუცილებლად უნდა იყოს გამოძიებული, ამას ვიმეორებთ და გავიმეორებთ დღენიადაგ. იმედი გვაქვს, რომ ყველა ეს ფაქტი აუცილებლად იქნება გამოძიებული.

ძალიან მნიშვნელოვანია საქართველოში სიტყვისა და გამოხატვის თავისუფლება და ზოგადად, მედიის თავისუფლება არის ძალიან მნიშვნელოვანი. შესაბამისად, ეს უნდა იყოს უპირველეს ყოვლისა დაცული,“- განაცხადა ეკა მიშველაძემ.