ტელეკომპანია „რუსთავი 2“-ის გენერალური დირექტორისა და თბილისის საქალაქო სასამართლოს ყოფილი თავმჯდომარის მამუკა ახვლედიანის ფარული ჩანაწერების საკითხზე, „ქართული ოცნების“ აღმასრულებელმა მდივანმა ირაკლი კობახიძემ კომენტარი გააკეთა. მისი განცხადებით, ჩანაწერები იძლევა საფუძველს გაჩნდეს ეჭვი იმასთან დაკავშრებით, რომ გვარამიას მხრიდან ახვლედიანისადმი ქრთამის შეთავაზებას ჰქონდა ადგილი.

აღნიშნულს ეხმაურება „რუსთავი 2“-ის გენერალური დირექტორი. ნიკა გვარამია „ნიუპოსტთან“ საუბრისას კობახიძეს ურჩევს, ფარული ჩანაწერების მოსმენის მაგივრად, საქართველოს სისხლის სამართლის კოდექსში ჩაიხედოს და გაერკვეს, თუ რას ნიშნავს ქრთამი:

„არ მომისმენია და არ ვინტერესდები, ჟურნალისტებმა დამისვეს ეს შეკითხვა და ამიტომ ვიცი, ქრთამის შემადგენლობაში ჩახედონ იურისტებმა, ქრთამი არის ფულის შეთავაზება სიკეთის სანაცვლოდ. მე რა სიკეთის სანაცვლოდ შევთავაზე ხომ არ იცის ვინმემ? მამუკა ახვლედიანთან რამე მაკავშირებდა? საქმეს ახვლედიანი იხილავდა და რამე ინტერესი მქონდა? არა! მე ვიყავი იქ, როგორც მედიის წარმომადგენელი, მედია თავის წყაროს შეიძლება სთავაზობდეს პირად უსაფრთხოებასაც და ფინანსურ უსაფრთხოებასაც. ეს არის ჩვეულებრივი ამბავი, განსაკუთრებით იმ პირების შემთხვევაში, რომლებიც საკუთარი სისტემის მამხილებელი განცხადებებით გამოდიან. ირაკლი კობახიძემ ფარული ჩანაწერების მოსმენის ნაცვლად, სისხლის სამართლის კოდექსს ჩახედოს. სამართლის დოქტორი კი არა სულელია, ოღონდ იურისტი“, - განაცხადა ნიკა გვარამიამ „ნიუპოსტთან“ საუბრისას.