პაატა ბურჭულაძის პარტიის მცხეთა-მთიანეთის რეგიონის ყოფილმა ხელმძღვანელმა დღეს გამართულ პრესკონფერენციაზე განაცხადა, რომ პაატა ბურჭულაძეს, 2016 წლის მაისის ჩათვლით, ხელფასის სახით, 555 000 ლარი აქვს აღებული. ამის შესახებ ლაფანაშვილმა „პირველის პრესკლუბში“ ისაუბრა.

ლაფანაშვილის განცხადება პაატა ბურჭულაძე გამოეხმაურა და აღნიშნა, რომ მას პარტიიდან ხელფასის სახით არცერთი თეთრი არ აქვს აღებული:

„ეს არის ის ადამიანი, რომელმაც ცოტა ხნის წინ მიატოვა „ქართული ოცნება“ და გადმოვიდა ჩვენთან, ჩვენ ის მივიღეთ, მაჟორიტარადაც გვინდოდა, მაგრამ შემდეგ მივხვდით ვისთან გვქონდა საქმე, ამიტომ ვეღარ არის ჩვენი მაჟორიტარი. მე ერთი თეთრიც არ მაქვს აღებული, ეს აუდიტის სამსახურმაც იცის“, - განაცხადა პაატა ბურჭულაძემ.