„ქართული ოცნების“ აღმასრულებელი მდივანი ირაკლი კობახიძე ნიკა გვარამიასა და მამუკა ახვლედიანის ფარული ჩანაწერის საკითხს ჟურნალისტებთან საუბრისას კიდევ ერთხელ ეხმაურება. კობახიძის განცხადებით, საუბრის შინაარსი იძლევა საფუძველს, რომ ქრთამის აღების ფაქტზე ეჭვი გაჩნდეს:

”საუბრის შინაარსიდან გამომდინარე აშკარად ჩანს, როგორია დამოკიდებულება ”რუსთავი 2”-ის ხელმძღვანელსა და საქალაქო სასამართლოს მაშინდელ თავმჯდომარეს შორის. ჩანს, რომ ეს დამოკიდებულება არის ბატონყმური. შემაშფოთებელია ისიც, რომ როგორც გვარამიამ ბრძანა საუბარი ჩაწერილია მაშინ, როცა საქალაქო სასამართლოში ”რუსთავი 2”-ის საქმე იხილებოდა. გარდა ამისა, ნიკა გვარამია სასამართლოს თავმჯდომარეს პირდაპირ ჰპირდება მატერიალურ სარგებელს და იკვეთება ეჭვი და ნიშნები ქრთამის გადაცემის თაობაზე, რაც აუცილებლად უნდა იყოს გამოძიებული”,- განუცხადა ჟურნალისტებს ირაკლი კობახიძემ.