საკოსნტიტუციო სასამართლოს თავმჯდომარის თანამდებობა ჯერჯერობით ვაკანტურია, თუმცა მისი ვინაობა შესაძლოა უახლოეს დღეებში გახდეს ცნობილი. ვრცელდება დაუზუსტებელი ინფორმაცია იმის შესახებ, რომ აღნიშნულ საკითხზე დღეს შესაძლოა მოსამართლეთა შორის კონსულტაციები გაიმართოს.

პლენუმის ახალი შემადგენლობა 6 ოქტომბერს 12 საათზე შეიკრიბება. მოსამართლეების განცხადებით, შეხვედრის ფარგლებში საორგანიზაციო საკითხებზე იქნება მსჯელობა. ასევე, კანონის თანახმად, სამ მოსამართლეს შეუძლია წარადგინოს მისთვის სასურველი თავმჯდომარეობის კანდიდატი.

ამ დროისთვის ვრცელდება ინფორმაცია, რომ საკონსტიტუციო სასამართლოს თავმჯდომარეობა ზაზა თავაძეს სურს. საკონსტიტუციო სასამართლოს პლენუმს 2 კვირიანი ვადა აქვს, რომ მისთვის სასურველი თავმჯდომარეობის კანდიდატი წარდგენილი იყოს.