შერიგებისა და სამოქალაქო თანასწორობის საკითხებში სახელმწიფო მინისტრის ხელმძღვანელობით პანკისის ხეობაში სახელმწიფო უწყებათაშორისი კომისიის გასვლითი სხდომა გაიმართება. კომისია სოფელ ჯოყოლოში, ადმინისტრაციის შენობაში 21 სექტემბერს, 12:00 საათზე შეიკრიბება.

სხდომას სახელმწიფო მინისტრი ქეთევან ციხელაშვილი გახსნის. შეხვედრაში მონაწილეობას მიიღებენ ადგილობრივი უხუცესები, ახალგაზრდები, პედაგოგები, არასამთავრობო ორგანიზაციებისა და რეგიონული მედიის წარმომადგენლები. კომისიის წევრები მათგან ხეობაში არსებული მდგომარეობის შესახებ ინფორმაციას მოისმენენ და პრობლემების გადაჭრის გზებზე იმსჯელებენ.

სახელმწიფო უწყებათაშორისი კომისიის გასვლითი კომისიის სხდომა საქართველოს გაეროს ასოციაციის მხარდაჭერით გაიმართება.