დღეს ნანა ყეინიშვილი ავლაბრელ მოსახლეობას შეხვდა

პოლიტიკა - 19:38, 03 Oct, 2016

1435

საარჩევნო ბლოკი „ჩვენები - სახალხო პარტია“ ისნის მაჟორიტარ დეპუტატობის კანდიდატ ნანა ყეინიშვილს ავლაბრის მოსახლეობამ გულთბილი შეხვედრა მოუწყო.

ნანა ყეინიშვილმა მოსახლეობას გააცნო პარტიის წინასაარჩევნო პროგრამა, ისაუბრა ბლოკის ხედვაზე და გზებზე, რაიონში არსებული პრობლემების მოსაგვარებლად.

განსაკუთრებული ყურადღება დაეთმო პარტიის პროგრამის ეკონომიკურ ნაწილს და უმუშევრის სტატუსს, ასევე დიასახლისის სტატუსის შემოღების საკითხს.

მოქმედმა დეპუტატმა ისაუბრა აგრეთვე ადგილობრივი ყოფითი პრობლემების მოგვარების გზებზე და გამარჯვების შემთხვევაში ამომრჩევლებს დახმარება აღუთქვა.

„ჩვენ შევცვლით საარსებო მინიმუმის დათვლის სისტემას და ის მოერგება რეალურ ცხოვრებას. ჩვენ კანონით განვსაზღვრავთ პენსიის ქვედა ზღვარს და ის მიბმული იქნება საარსებო მინიმუმთან. უმუშევრობის პრობლემის დაძლევა იქნება ჩვენი უმთავრესი საზრუნავი, რისი საწინდარიც იქნება არამარტო ქვეყნის მდგრადი განვითარება, არამედ განათლებისა და გადამზადების სფეროში მიზანმიმართული გონივრული ინვესტიციები და შრომის ბაზრის ყოვლისმომცველი რეფორმა. ამ რეფორმით ჩვენ განვახორციელებთ უმუშევრის სტატუსის სამართლებრივ განსაზღვრას და შესაბამისი შემწეობის შემოღებას.“ განაცხადა შეხვედრისას ნანა ყეინიშვილმა