შალვა რამიშვილის მიერ გამოთქმულ ბრალდებებს რუსთავი 2-ის მისამართით, სადაც ის აღნიშნავს, რომ ტელეკომპანიის მიერ ჩატარებული კვლევების შედეგები გაყალბებულია, მმართველი გუნდი ეხმაურება. მანანა კობახიძე აცხადებს, რომ ტელეკომპანია „რუსთავი 2“ გაყალბებული მონაცემებით საზოგადოების შეცდომაში შეყვანას ცდილობს:

„ძალიან ცუდ დღეშია ნაციონალური მოძრაობა და ეს აისახება რუსთავი 2-ზეც და მის დირექტორზე, რომელიც ასევე ცუდ დღეშია. გაყალბებით, რაღაც არასწორი სტატისტიკით, არასწორი მონაცემებით, ცდილობენ საზოგადოება შეიყვანონ შეცდომაში, რაც უკვე სასაცილოა. ყველამ კარგად იცის, რომ თქვენს ეგზიტპოლებს და თქვენს რეიტინგებს და თქვენ გამოკითხვებს არავინ არ უნდა ენდოს,“ - განაცხადა მანანა კობახიძემ.