გადაცემათა ციკლის „შეხვედრები რეგიონულ მედიასთან“ მე-10, ბოლო გადაცემაში ბიძინა ივანიშვილმა შეხვედრა მცხეთა-მთიანეთის რეგიონში გამართა. ივანიშვილმა გადაცემის დასასრულს საზოგადოებას მადლობა გადაუხადა, რომ პრობლემებს ღირსეულად გაუძლო. მისი თქმით მან იცოდა რომ განვლილი 4 წელი რთული იქნებოდა, თუმცა საზოგადოებას არჩევნებში კვლავ „ქართული ოცნების“ მხარდაჭერისკენ მოუწოდა და აღნიშნა, რომ მხოლოდ „ქართულ ოცნებას“ შეუძლია ქვეყანა განვითარებისკენ წაიყვანოს:

„მე მინდა საზოგადოებას მადლობა გადავუხადო, რომ ამ 4 წლის განმავლობაში გაუძლო ამ პრობლემებს. არ ვამბობდი და გავიმეორებ, რომ ვიცოდი ეს ოთხი წელი იქნებოდა რთული, კარგად ვიცოდი, რომ ნაციონალური მოძრაობა ვერ შეიცვლიდა ხელწერას. მაგრამ ჩვენ მოვახერხეთ, რომ არათუ ქვეყანა შევინარჩუნეთ და არ დავანგრევინეთ, არამედ თავად ისინიც შევინარჩუნეთ და არ დავაზარალეთ ზედმეტად, რისი სურვილიც ქონდა და ხელი ექავებოდა ძალიან ბევრს. მათაც ვუსურვოთ, რომ ჩვენ საზოგადოებაში მათაც იპოვონ თავისი ადგილი და ჩადგნენ აღმშენებლობის პროცესში.“- განაცხადა ბიძინა ივანიშვილმა.