"საზოგადოება საჩუქარს მიიღებს, ენმ-ს დეპუტატები იქნებიან ცუციკებივით"- ივანიშვილი

პოლიტიკა - 13:56, 03 Oct, 2016

6364

ბიძინა ივანიშვილის განცხადებით, არჩევნების შემდეგ საზოგადოება საჩუქარს მიიღებს, ივანიშვილის თქმით ეს საჩუქარი იქნება ის რომ "ნაციონალურ მოძრაობას" თავის ადგილს მიუჩენენ:

„ნაციონალურ მოძრაობას აღარ აქვს ძირითადი რესურსი, გარედან არავითარი მხარდაჭერა აღარ აქვს. საზოგადოებამ კარგად გაიცნო და იმ რესურსით ვეღარ მოახერხებენ მომავალში... შესაბამისად, მე საზოგადოებას ვპირდები, რომ საჩუქარს ახლა მიიღებენ, რასაც ელოდნენ 4 წლის განმავლობაში. ეს რომ მეთქვა, რომ 4 წელი დასჭირდება, ამას ვერ გამიგებდნენ. ეს საჩუქარი იქნება ის, რასაც ელოდნენ 2012 წელს, მიიღებენ ახლა. რასაც ელოდნენ დაბალანსებულს, რომ ნაცებს ექნებათ თავისი ადგილი და ისინი ვეღარ იბლატავებენ ესე ვთქვათ. მათ დაუნთავრდათ მხარდაჭერა აბსოლუტურად, მხარდაჭერა არის ქვეყანაზე, გაანულეს ის არარეალური და არაობიექტური მხარდაჭერა, საზოგადოებამაც გარეთაც და შიგნითაც გაიგო, ფინანსურ რესურსებზე წვდომა აღარ ექნებათ. 5-10 თუ მაქსიმუმ 15 დეპუტატი დაჯდება პარლამენტში და იქნებიან ცუციკებივით, როგორც უნდა იყვნენ. ასევე პროკურატურასი გამოძიებები გრძელდება, სამართლიანობის აღდგენა არაა დასრულებული. არ მინდა მუქარა გამომივიდეს."- განაცხადა ივანიშვილმა.