"ერთად ვსწავლობდით მე და მაგი საუბარს..."- ხუნდაძის გზა ივანიშვილის ყურის ექიმობიდან პოლიტიკაში

პოლიტიკა - 13:11, 03 Oct, 2016

8659

ბიძინა ივანიშვილმა მცხეთა-მთიანეთში მედიასთან შეხვედრის დროს, ამ რეგიონში „ქართული ოცნების“ მიერ წარდგენილ კანდიდატზეც ისაუბრა და დიმიტრი ხუნდაძე, როგორც ქვეყნის პატრიოტი და კარგი პროფესიონალი ისე დაახასიათა. ექსპრემიერმა. ის პერიოდი გაიხსენა, როდესაც დიმიტრი ხუნდაძემ პოლიტიკაში მოსვლა მისი თხოვნით გადაწყვიტა.

„ერთხელ გამიჭირდა მე ძალიან და როგორ დავივიწყებ მაგას, მიჭირდა, მცხეთაში ვერ შევარჩიეთ, ერთხელ დამეხმარა, ორჯერ დამეხმარა, სამკურნალოდ მოდიოდა, ყურის ანთება მქონდა თუ რაღაც ამის მსგავსი. შემთხვევით კითხვა დავუსვი, თვითონ ხომ არ წახვალო და „უი“ ასე შეკრთა, გაუვარდა ხელიდან ინსტრუმენტი ეჭირა, რას ამბობ ბატონო ბიძინა, მე ჩემი თავი პოლიტიკაში ვერ წარმომიდგენიაო. ამ კაცმა ჩემს მსგავსად, როდესაც ქვეყანას გაუჭირდა, მოვიდა დადგა და პირნათლად მოემსახურა. ერთად ვსწავლობდით მე და მაგი საუბარს, საზოგადოებასთან შეხვედრებს, კამერების გვეშინოდა ორივეს თავდაპირველად, ერთმანეთს ვეხმარებოდით. აი ეს გაიარა დიმიტრი ხუნდაძემ, მე შემიძლია ამსზე საქებარი სიტყვები არ დავიშურო.“- განაცხადა ბიძინა ივანიშვილმა.