"რუსთავი 2- მა გაყალბებული დოკუმენტი გამოაქვეყნა" - რამიშვილი R2- სა და GFK-ს წინააღმდეგ

პოლიტიკა - 11:17, 03 Oct, 2016

10331

ჟურნალისტი შალვა რამიშვილი აცხადებს, რომ კვლევა, რომელიც რუსთავი 2-მა გამოაქვეყნა გაყალბებულია.
ჟურნალისტი ირწმუნება, რომ "თავისუფალი ზონის" ყოფილ წევრ, ბესო კალაძისგან მიიღო ინფორმაცია, თუ როგორ აყალბებენ საზოგადოებრივი აზრის კვლევის შედეგებს ტელეკომპანია "რუსთავი 2" და GFK.

მისივე თქმით, GFK-ს კვლევის შედეგების გამოქვეყნებამდე არსებობდა ორი დოკუმენტი, ერთი გაყალბებული, რომელიც რუსთავი 2-მა გაასაჯაროვა და მეორე ორიგინალი, სადაც რამდენიმე პარტიასთან მიმართებით შედეგები გაყალბებულია და გამოქვეყნებულ კვლევაში ”ნაციონალურ მოძრაობას” შედეგები მომატებული აქვს.
”საქმე გვაქვს საზოგადოებრივი კვლევის მასშტაბურ გაყალებასთან. როგორც იცით, ვაკეთებ გადაცემას ”აკრედიტაციის გარეშე”. დამიკავშირდა ბესო კალაძე და ვისაუბრეთ კვლევაზე, რომელსაც ”რუსთავი 2” ატარებს. კვლევის გამოქვეყნებამდე მას ჰქონდა რეალური მონაცემები და ის მონაცემები, რომელიც გამოქვყნებდა. ასევე მას ჰქონდა ე.წ. ველი, რომლითაც კვლევა ტარდება. კვლევა არის გაყალბებული რამდენიმე პარტიასთან მიმართებაში” - აღნიშნა რამიშვილმა.
რაც შეეხება თავად ბესო კალაძეს ის ყაროს დასახელებისგან თავს იკავებს, თუმცა იქვე ამბობს, რომ "ნაციონალურ მოძრაობაში მეგობრები ჰყავს"

"მე მყავს ბევრი მეგობარი ,,ნაციონალურ მოძრაობაში” და არ მინდა ვინმეს საფრთხე შევუქმნა. ნაციონალური მოძრაობა იშლება და ისინი წააგებემ არჩევნებს”, – განაცხადა ბესო კილაძემ.

შალვა რამიშვილი პრესკომფერენციის შემდეგ, ნოტარიუსთან გაემართა, რათა "მედიამ კვლევის რეალური შედეგები ნოტარიუსის თანდასწრებით ნახოს".