,,მშობელთა კრების ფორმატი მოძველდა და საჯაროდ განხილვა ბავშვების სირთულეებისა თუ მიღწევების, არ არის კარგი შემთხვევა“

,,მშობელთა კრების ფორმატი მოძველდა და საჯაროდ განხილვა ბავშვების სირთულეებისა თუ მიღწევების, არ არის კარგი შემთხვევა“ - ჯეჯელავა

პოლიტიკა - 17:43, 02 Oct, 2016

20409

მშობლებთან პედაგოგების ინდივიდუალურ მუშაობის მნიშვნელობაზე ისაუბრა განათლების მინისტრმა. ალექსანდრე ჯეჯელავას თქმით, მშობლებთან მუშაობაა გასაძლიერებელი, თუმცა როგორც მინისტრი ამბობს, არა მშობელთა კრების ფორმატში, რომელიც მოძველებულია. ამის შესახებ ჯეჯელავამ პედაგოგებთან შეხვედრაზე ისაუბრა, რომელსაც პრემიერ-მინისტრი ესწორებოდა.

”მოგეხსენებათ, რომ მშობელთა კრების ფორმატი მოძველდა და საჯაროდ განხილვა ბავშვების სირთულეებისა თუ მიღწევების, არ არის კარგი შემთხვევა. თქვენ, როგორც საუკეთესო პედაგოგები, სწორედ ამას აკეთებთ და ინდივიდუალურად ისედაც მუშაობთ მშობლებთან. ჩვენ ვაპირებთ, რომ ეს დავაკანონოთ, შესაბამისად, ეს საათების და კრედიტების წყარო გახდეს. მშობლებთან დამატებითი მუშაობაც ნებაყოფლობითია”, - განაცხადა ჯეჯელავამ.

როგორც მინისტრმა აღნიშნა, ასევე მნიშვნელოვანია სპეციალური საჭიროების მქონე მოსწავლეებთან მუშაობა. ,,ყველა პედაგოგი, ნებაყოფლობით, ვინც დამატებით საათებს ჩაატარებს სპეციალური საჭიროების მქონე ბავშვებისთვის, ესეც იქნება კრედიტების წყარო”, -აღნიშნა ჯეჯელავამ.

მისივე თქმით, საბოლოო მიზანია შეიქმნას სისტემა, სადაც თითოეული მასწავლებელი გადაწყვეტს, ყოველწლიურად რა გზას დაადგეს და რა მიმართულება აირჩიოს თავისი პროფესიული განვითარებისთვის.