საკონსტიტუციო სასამართლოს თავმჯდომარე ერთი თვის ვადაში უნდა აირჩიონ

პოლიტიკა - 17:06, 02 Oct, 2016

1982

საკონსტიტუციო სასამართლოს ახალი თავმჯდომარის არჩევა 30 ოქტომბრამდე უნდა მოხდეს. როგორც ჟურნალისტებს სასამართლოს ახალმა წევრებმა განუცხადეს, ასარჩევი ვადა არის მინიმუმ 2 კვირა და მაქსიმუმ ერთი თვეა.

კოლეგებთან კონსულტაციებს გეგმავენ გიორგი კვერენჩხილაძე და ირინა იმერლიშვილი.

გიორგი კვერენჩხილაძის თქმით, ისინი გაეცნობიან საკონსტიტუციო სასამართლოს არსებულ საქმეებს და გადაწყვეტილებას კოლეგებთან კონსულტაციების შედეგად მიიღებს.

,,ამის შემდეგ კანონის ფარგლებში მოხდება საკონსტიტუციო სასამართლოს ხელმძღვანელი პირების არჩევა,"- აცხადებს გვერენჩხილაძე. მისივე განმარტებით, მოხდება შესწავლა ყველა გახმაურებული საქმის მასალების და ამის შემდეგ მიიღებენ გადაწყვეტილებას თუ რა ფორმატში წარიმართება მათი განხილვა.

საკონსტიტუციო სასამართლოს სამმა ახალმა მოსამართლემ ირინა იმერლიშვილმა, გიორგი კვერენჩხილაძემ და თემურ ტუღუშმა ფიცი საზეიმოდ დადეს. სამივე მათგანი 10 წლის ვადითა არის არჩეული. მოსამართლედ 2 კანდიდატი პრეზიდენტმა, ერთიც კი უზენაესმა სასამართლომ წარადგინა.

საკონსტიტუციო სასამართლოში მოსამართლეობის ერთი ვაკანტური ადგილია, რომელსაც არჩევნების შემდეგ საქართველოს პარლამენტი შეარჩევს და წარადგენს.

შეგახსენებთ, რომ საკონსტიტუციო სასამართლოს ოთხ მოსამართლე წევრს უფლებამოსილების ვადა ამოეწურათ, მათ შორის საკონსტიტუციო სასამართლოს თავმჯდომარეს გიორგი პაპუაშვილს.