200-მდე განსაკუთრებით მძიმე დანაშაული და ხელისუფლების თანამშრომლობა მტერ სახელმწიფოსთან

200-მდე განსაკუთრებით მძიმე დანაშაული და ხელისუფლების თანამშრომლობა მტერ სახელმწიფოსთან - „ანგარიში ივანიშვილს"

პოლიტიკა - 16:53, 01 Oct, 2016

2450

საზოგადოებრივმა მოძრაობამ "ანგარიში ივანიშვილს" სამთვიანი მუშაობის შედეგები გამოაქვეყნა.

ანგარიშში ბოლო ოთხი წლის განმავლობაში მომხდარ ორასამდე მძიმე სახის დანაშაულზეა საუბარი.

მოძრაობა „ანგარიში ივანიშვილს“ დამფუძნებელმა ზაზა ბიბილაშვილი ამბობს, რომ ანგარიშში მოხვდა ხელისუფლების მიერ მტერ სახელმწიფოსთან თანამშრომლობის ფაქტები. ზაზა ბიბილაშვილი ამბობს, რომ ბოლო ოთხი წლის განმავლობაში ჩადენილი 200-მდე განსაკუთრებით მძიმე სახის დანაშაული შეისწავლეს და იგი 9 წლის განმავლობაში ჩადენილ დანაშაულებათა სიმძიმეს ბევრად აჭარბებს.
„ჩვენ შევისწავლეთ მხოლოდ და მხოლოდ მძიმე დანაშაულები, როგორიც არის მკვლელობა, კავშირები საერთაშორისო ტერორიზმთან და რაც ყველაზე მნიშვნელოვანია, ის პრობლემური დანაშაულები, რომელიც შეიძლება ერთიანად კვალიფიცირდეს, როგორც სამშობლოს ღალატი. საუბარია, რუსეთის დაკვეთით ქართველი მეომრების სისტემურ დევნაზე, მკვლელობაზე, ეთნიკური ჩეჩნების დევნაზე და ასევე ისეთი შემზარავი დანაშაულების ჩადენაზე, რომლის შესახებაც საზოგადოებამ ძალიან ცოტა ან თითქმის არაფერი არ იცის. ეს დანაშაულები თავისი მასშტაბით, შინაარსით, სიმძიმით, ჩრდილავს ნებისმიერ ისეთ დანაშაულს, რომელიც მომხდარა იმ ე.წ. 9 წლიან პერიოდში. გვინდა, ამ ყველაფრის შესახებ ერთიანად შევკრიბოთ ინფორმაცია და წარუდგინოთ ბიძინა ივანიშვილს პოლიტიკური ანგარიში“, - განაცხადა ზაზა ბიბილაშვილმა.