საქართველოს კათოლიკოს-პატრიარქი ილია მეორე, ისრაელის ყოფილი პრეზიდენტის შომონ პერესის გარდაცვალებასთან დაკავშირებით, მწუხარებას გამოთქვამს და ისრაელის პრემიერ-მინისტრს ბენიამინ ნეთანიაჰუს სამძიმრის წერილს უგზავნის:

მის აღმატებულებას, ისრაელის პრემიერ-მინისტრს,

ბატონ ბენიამინ ნეთანიაჰუს

თქვენო აღმატებულებავ,

მიიღეთ ჩვენი თანაგრძნობა ისრაელის პრეზიდენტის, ბატონ შიმონ პერესის გარდაცვალების გამო.

იგი იყო მსოფლიოში გამორჩეული პოლიტიკოსი და საზოგადო მოღვაწე, მშვიდობისთვის დაუცხრომელი მებრძოლი, თავისი ქვეყნის ერთგული და ბრძენი შვილი.

ბატონ შიმონ პერესს საქართველოსთან განსაკუთრებული დამოკიდებულება ჰქონდა. ჩვენ პირადად ვიცნობდით მას და გამორჩეულ პატივს ვცემდით.

გთხოვთ, გადასცეთ ჩვენი სამძიმარი ოჯახის წევრებს და მთელ ებრაელ ხალხს.

პატივისცემით

სრულიად საქართველოს

კათოლიკოს-პატრიარქი ილია II

29 სექტემბერი, 2016 წელი