ნაციონალური მოძრაობის ვარკეთილის ორგანიზაციის ოფისში გაიმართა პარტიის პროგრამის ეკონომიკური და სოციალური ნაწილის განხილვა, რომელსაც პარტიის აქტივი ესწრებოდა.

შეხვედრა სემინარის ხასიათს ატარებდა და კიდევ ერთხელ იქნა ხაზგასმული იმ მთავარ საკითხებზე, რომელიც ამომრჩევლამდე უნდ იყოს მიტანილი, როგორც პარტიის მთავარი გზავნილი. პარტიის სიის ათეულის წევრმა და პროგრამის ერთ-ერთმა ავტორმა რომან გოცირიძემ კიდევ ერთხელ გააცნო დამსწრეებს ყველა მნიშვნელოვანი დაპირება, რომლის შესრულებასაც პარტია აპირებს არჩევნებში გამარჯვების შემდეგ. ვარკეთილში მაჟორიტარობის კანდიდატთან, ირაკლი ნადირაძესთან ერთად იმსჯელეს იმ ძირითად პრობლემებზე, რომელიც აწუხებს ადგილობრივ მოსახლეობას. შეხვედრის შემდეგ რომან გოცირიძე და ირაკლი ნადირაძე მივიდნენ ამომრჩეველთა ოჯახებში და პირადად გადასცეს პარტიის საარჩევნო ბუკლეტები.