"რას იფაფხურებენ, ვერაფერს მიაღწევს ვერავინ"- პრემიერი ,,ნაციონალურ მოძრაობაზე"

პოლიტიკა - 17:15, 29 Sep, 2016

2388

ქვეყანაში მოსალოდნელ დდესტაბილიზაციაზე გაკეთებულ განცხადებებს საქართველოს პრემიერ მინისტრი გამოეხმაურა. გიორგი კვირიკაშვილის თქმით, ნაციონალური მოძრაობის მცდელობის მიუხედვად ქვეყანაში არჩევნები მშვიდად ჩაივლის და ქვეყნის განვითარებაც სტაბილურად გაგრძელდება:

„ჩვენ გვაქვს უპრეცედენტოდ ხანგრძლივი, ოთხთვიანი წინასაარჩევნო პერიოდი, მოვიწვიეთ რაც შეიძლებოდა მეტი დამკვირვებელი, რომლებიც აკვირდებიან მთელ წინასაარჩევნო პროცესს და ყველა საერთაშორისო დამკვირვებელი აცხადებს, რომ საქართველოში არის უპრეცედენტოდ მშვიდი წინასაარჩევნო პროცესი. "ნაციონალური მოძრაობა" ცდილობს, რომ რაღაცას მიაღწიოს, მაგრამ ჩვენ ვხედავთ, რომ მათ არ აქვთ ხალხის მხარდაჭერა. ხალხს სჭირდება სტაბილურობა, მშვიდობა და ნათელი განვითარების პერსპექტივა. რომელსაც ქართული ოცნება იძლევა. რას იფაფხურებენ, ვერაფერს მიაღწევს ვერავინ, რადგან საქართველოს ხელისუფლებას აქვს ძალა, რომ ჩაატაროს მშვიდობიანი, ევროპული სტანდარტის, გამჭვირვალე არჩევნები და ყველანაირი დესტაბილიზაცია არის გამორიცხული, რეალური მცდელობების მიუხედავად, რომელსაც ჩვენ ვხედავთ, რომ არის. ასე, რომ ყველანი მშვიდად ვიყოთ, ყველაფერი იქნება ძალიან კარგად, საქართველო, ქართველი ხალხი გაიმარჯვებს და საქართველოში აუცილებლად იქნება მშვიდობა და სტაბილურობა.”- განაცხადა გიორგი კვირიკაშვილმა.