,,მარქსი კარგი ფილოსოფოსი იყო, მაგრამ სოციალიზმის იდეა -მცდარი“

,,მარქსი კარგი ფილოსოფოსი იყო, მაგრამ სოციალიზმის იდეა -მცდარი“ - ივანიშვილი

პოლიტიკა - 13:52, 29 Sep, 2016

6132

ბიძინა ივანიშვილის თქმით კომუნიზმი მცდარი იდეა იყო რომელშიც უამრავი სიმახინჯე იყო ჩადებული და რომელსაც უამრავი ადამიანი შეეწირა. თუმცა, როგორც ივანიშვილი აცხადებს რადგან გორის მოსახლეობის ნაწილი სტალინში ფაშიზმზე გამარჯვების სიმბოლოს ხედავს, ამ ხალხის გაღიზიანება საჭირო არაა და სტალისნის ძეგლის დადგმა, მუზეუმის გფარგლებში ნორმალურია:

“რაც შეეხება სტალინს ძეგლს, მუზეუმი არსებობს, მუზეუმის ფარგლებში ეს ნორმალურია ჩემი აზრით და უნდა იყოს. ჩემი ზოგადი დამოკიდებულება თუ გნებავთ სტალინზე, იმ დროინდელ ბრძოლის მეთოდებზე საერთოდ არ შეიძლება აქცენტის გაკეთება, ერთი ადამიანის სიცოცხლედ არ ღირს ნებისმიერი იდეა, ამას ხალხი არ უნდა შეეწიროს და იმდენი ხალხი დაიხოცა… ამაზე საუბარიც კი ზედმეტია. იმ მეთოდებით, რომლითაც მაშინდელი ხელმძღვანელობა ცდილობდა ამის განხორციელებას… მაგრამ თვითონ სოციალიზმის, კომუნიზმის იდეა საუბედუროდ ეს იყო მცდარი და მცდარ იდეას ეწირებოდა ასეთი მეთოდებით ამდენი ხალხი. რა თქმა უნდა, ესაა შეფასება. თვითონ იდეა არ იყო ჰუმანური, კრიმინალური იდეაა ეს მარქსიზმი. მარქსიზმის თანასწორობა ყველა ქვეყანამ უარყო და ყველა ქვეყანაში სადაც იყო, ცუდი გამოვლინება ჰპოვა, მათ შორის საბჭოთა კავშირში და აი ნახეთ პოლ პოტიც, რა ქნა ნიკარაგუაში. როგორ მოახერხეს იქ, მარქსიზმა რა უბედურება… ინტელიგენცია ყელამდე ჩაფლეს მიწაში, გააუპატიურეს და ეს არის ამ მიმართლებით დანაშაულებრივი… მარქსი კარგი ფილოსოფოსი იყო ამავდროულად და მე არ ვეხები მის ფილოსოფიურ მიმდინარეობებს. თვითონ თეორიაშივე იყო დანაშაული. ადამიანს საკუთრების უფლებას ართმევდნენ და კიდევ უამრავი სხვა სიმახინჯე იყო ჩადებული. სამწუხაროდ თვითონ იდეა არ ღირდა ბრძოლად და ამ მეთოდებით კარგი იდეაც არ ღირს ბრძოლად. ძალიან ბევრს გულწრფელად უყვარს სტალინი. ეს ხალხი სტალნში ფაშიზმის დამარცხების სიმბოლოს ხედავს…”, – განაცხადა ივანიშვილმა.