"ნაციონალური მოძრაობა" დაჟინებით მოითხოვს, ქალაქის ცენტრალური უბნის ქუჩებისგადაკეტვა მოახდინოს რათა, პრობლემა შეექმნას მოსახლეობის გადაადგილებას"

ქუთაისის მერი "ნაციონალური მოძრაობის" ქუთაისის ორგანიზაციის ხელმძღვანელის, გიორგი თევდორაძის მიერ, მოსახლეობასთან შეხვედრისთვის ადგილის გამოყოფასთან დაკავშირებით გაკეთებულ განცხადებას ეხაურება.

შოთა მურღულიას განმარტებით, თუ კი აღნიშნული პარტია პასუხისმგებლობას აიღებს მოსახლეობის გაღიზიანებაზე ქალაქის ცენტრალური ქუჩების გადაკეტვის გამო, თანახმა იქნება ჩაატარონ თავიანთი აქცია.

მისივე თქმით, "ნაციონალები" იმის გამო ითხოვნენ ვიწრო ქუჩებს, რომ მათ უკვე აღარ შუძლიათ მრავალრიცხოვანი მხარდამჭერების შეკრება.

"ერთადერთი "ნაციონალური მოძრაობაა", რომელიც დაჟინებით მოითხოვს, რომ ქალაქის ცენტრალური უბნის ქუჩების გადაკეტვა მოახდინოს რათა, პრობლემა შეექმნას მოსახლეობის გადაადგილებას. გია თევდორაძესთან ნამდვილად მქონდა სატელეფონო საუბარი, რომელშიც ის მეუბენოდა, რომ მათ არ უნდოდათ ჩვენს მიერ შეთავაზებული ალტერნატილი ადგილი, არ უნდოდათ ის ტერიტორიები, რომლებსაც სხვა პოლიტიკური პარტიები იყენებენ, რადგან მისი აზრით, ისინი იმ ადგილას ბევრნი ვერ გამოჩნდებოდნენ. ეს ჩემი პრობლემა ნამდვილად არ არის თუ "ნაციონალურ მოძრაობას" ბევრი მხარდამჭერი არ ჰყავს", - განაცხადა ქუთაისის მერმა.

მისი თქმით, ქუთაისის მერია არ გამოიყნებს იმ მეთოდს, რასაც ოთხი წლის წინ "ნაციონალური მოძრაობის" ხელისუფლება იყენებდა, რომ საარჩევნოდ ხელს უშლიდა პოლტიკურ პარტიებს მხარდამჭერებთან შეხვერდას.

"ნაციონალური მოძრაობა" ქუთაისში 2016 წლის 1 ოქტომბერს აქციას აწყობს.