"ენმ-ს დიდი ტრაგედიაა, რომ ჩვენ გაცილებით კარგი ურთიერთობა გვაქვს აშშ-სთან"- ივანიშვილი

პოლიტიკა - 13:18, 29 Sep, 2016

1138

ბიძინა ივანიშვილის განცხადებით „ქართული ოცნების“ ხელისუფლებას გაცილებით კარგი ურთიერთობა აქვს საქართველოს ძირითად პარტნიორ ქვეყნებთან, ვიდრე ეს „ნაციონალურ მოძრაობას“ ქონდა და ხელისუფლებამ მოახერხა აშშ-ის და ევროპის რეალური ნდობა მოეპოვებინა. ამის შესახებ ივანიშვილმა, გორში მედიასთან შეხვედრის დროს ისაუბრა:

„გარწმუნებთ, თვითონ ნაციოონალურმა მოძრაობამაც კარგად იცის და ყველაზე დიდი ტრაგედიაა მათთვის, რომ გაცილებით კარგი ურთიერთობა გვაქვს ამერიკის შეერთებულ შტატებთან. რასაც ცდილობდნენ ეჩვენებინათ, რომ მტერი მოვედი მე და ქვეყნის დანგრევა მინდა და მიმართულების შეცვლა... გარწმუნებთ ამაშიც, რომ ძალიან დიდინ ავტორიტეტით ვსარგებლობ პირადადაც, ნებისმიერ შეხვედრაში გამოიკვეთება. გაცილებით უკეთესი გვაქვს დამოკიდებულება და აღფრთოვანებულები არიან იმ რეფორმებით რაც საქართველოში გატარდა . თუ გინდ სტაბუილურობით, მახსოვს ევროკავშირის ელჩთან შეხვედრა, მომილოცა პირდაპირ, საოცრება ხდება საქართველოში, ამ ფონზე ევროპაც კი უარესად გამოიყურება, ჩვენ გავაღრმავეთ ურთიერთობა და ჭეშმარიტი ნდობა მივიღეთ ამერიკისგან და ევროპისგან.“- განაცხადა ბიძინა ივანიშვილმა.