"როგორ აპირებდა ბურჭულაძე მილიონების შემოწირულობის სახით გაპრავებას?!"

"როგორ აპირებდა ბურჭულაძე მილიონების შემოწირულობის სახით გაპრავებას?!" - ლაგაზიძე

პოლიტიკა - 12:53, 29 Sep, 2016

2729

პაატა ბურჭულაძის პარტიის ყოფილი წევრი ხათუნა ლაგაზიძე სახელმწიფო აუდიტის სამსახურის მხრიდან გამოკითხვაზე დაბარებას სოციალურ ქსელში ეხმაურება.
ლაგაზიძის თქმით, ის უწყებაში მისვლას და კითხვებზე პასუხის გაცემას აპირებს.

"პრინციპში ჩემი სათქმელი მე ეთერებით ვთქვი: 1. როდესაც, "გირჩის" წვერები საუბრობენ იმაზე, რომ მათ ბურჭულაძემ მილიონები მოსთხოვა, რა თქმა უნდა, შესაბამის სამსახურებს უნდა აინტერესებდეთ, როგორ აპირებდა ბურჭულაძე ამ მილიონების შემოწირულების სახით გათეთრებას, როცა ფიზიკურ პირზე პარტიისთვის შესაწირი თანხის ოდენობა არ აღემატება 60 00 ლარს, ხოლო იურიდიული პირისგან - 120 00 ლარს; 2. როცა იგივე "გირჩის" წევრები საუბრობენ, რომ მათ შეასრულეს ფინანსური ვალდებულებები ბურჭულაძესან, სად და რა ციფრებში გამოისახა ეს ფინანსური ვალდებულებები, როცა ბურჭულაძის დავალიანება საკუთარი პარტიის წვერების მიმართ 2 თვეს და უამრავ ადამიანს ითვლიდა?! ეს არის კითხვები, რომლებიც მე მაინტერესებს და რომლებიც უნდა აინტერესებდეს, ბუნებრივია ყველას. ეს არის ჩემი სათქმელი აუდიტის სამსახურთანაც, თუმცა თუ უწყება მომივა, რა თქმა უნდა, მივალ და ამავეს გავიმეორებ. ანუ კითხვების ადრესატები სხვები არიან და არა - მე"- აღნიშნავს ლაგაზიძე.

სახელმწიფო აუდიტის სამსახურმა ხათუნა ლაგაზიძეს გამოკითხვაზე დაბარების შესახებ განცხადება დღეს გაავრრცელა.

როგორც ამსახურში აცხადებენ, საქმე ეხება ლაგაზიძის მიერ გუშინ გაკეთებულ განცხადებას, რომ აქვს ინფორმაცია პოლიტიკური პარტიის „სახელმწიფო ხალხისთვის“ დაფინანსების უკანონო სქემების შესახებ.