„ერთიანი ნაციონალური მოძრაობის“ ოფისში საგანგებო ბრიფინგი გაიმართა. რომლის ფარგებშიც პარტიის ერთ-ერთმა ლიდერმა, ნიკა მელიამ ისაუბრა. მელიამ აღნიშნა, რომ არჩევნებში არადამაკმაყოფილებელი შედეგის დადების შემთხვევაში, საქართველოს ყოფილი პრემიერ-მინისტრი, ბიძინა ივანიშვილი ქვეყნის დატოვებას აპირებს. მისივე თქმით, აღნიშნული ინფორმაცია სანდო წყაროზე დაყრდნობით იქნა მოპოვებული:

“რამდენიმე დღის წინ ივანიშვილი შეხვდა მის უახლოეს გარემოცვას, რომელზეც დგას ივანიშვილს არაფორმალური მმართველობა და უთხრა, რომ არადამაკმაყოფილებელი შედეგის შემთხვევაში იგი დატოვებს ქვეყნის ფარგლებს და ამის შემდეგ მოხდა ის, რაც ჩვენ ვიხილეთ გუშინ და გუშინწინ. ჩვენ მიგვაჩნია, რომ მიუხედავად იმისა, რომ 4 წლის განმავლობაში ივანიშვილმა ყველა დარგი უკან გაწია და წინსვლა ვერ განახორციელა, მიგვაჩნია, რომ ივანიშვილის მიერ ქვეყნის დატოვება არის ძალიან ცუდი,”-განაცხადა ნიკა მელიამ.

საქართველოს ყოფილი პრეზიდენტი მიხეილ სააკაშილი კი აცხადებს, რომ ბიძინა ივანიშვილი „ნაციონალური მოძრაობის“ კანდიდატებს, კანდიდატურის ხმაურიანად მოხსნის სანაცვლოდ გარკვეულ თანხებს სთავაზობს.