ია მეტრეველმა, რომელიც თამაზ მეჭიაურის პარტიიდან ვაკეს მეორე ოლქში იყრიდა კენჭს "ქართული ოცნების" კანდიდატის ბიძინა გეგიძის სასარგებლოდ საკუთარი კანდიდატურა მოხსნა.

მეტრეველმა გადაწყვეტილების მიზეზებზე "ნიუპოსტთან" ისაუბრა:

“არ მინდა “ნაციონალურ მოძრაობა” გავახარო. მითუმეტეს, როცა სიტუაცია ასე დაიძაბა და ათას საზიზღრობას აპირებენ. ნამდვილად არ მივანიჭებ ამ სიამოვნებას, ჩემი ხმები გავუყო “ქართული ოცნების” კანდიდატს. მე და გეგიძე ერთად ვიბრძოდით რეჟიმის წინააღმდეგ. იმედი მაქვს რომ ბიძინა იმ პრინციპისთვის პარლამენტშიც გააგრძელებს ბრძოლას" - აღნიშნა ია მეტრეველმა.

მისი თქმით, მეჭიაურის გუნდს არ ტოვებს და საარჩევნო კამპანიაში აქტიურადაა ჩართული.

საპარლამენტო არჩევნებში ვაკის II ოლქში “ნაციონალური მოძრაობიდან” ელენე ხოშტარია იყრის კენჭს, “ქართული ოცნების” კანდიდატი ბიძინა გეგიძეა. პაატა ბურჭულაძის გაერთანებიდან ზურაბ ჯაფარიძე იყრიდა ვაკის თუმცა გუშინ “გირჩმა” მოძრაობა დატოვა. "თავისუფალმა დემოკრატებიდან” ვაკეში ვიქტორ დოლიძე იყრის კენჭს.