პაატა ბურჭულაძე მარიონეტია, დავალებებს იღებს და ასრულებს

პაატა ბურჭულაძე მარიონეტია, დავალებებს იღებს და ასრულებს - კობახიძე

პოლიტიკა - 10:50, 28 Sep, 2016

2494

გაერთიანება „პაატა ბურჭულაძე-სახელმწიფო“ ხალხისთვის „გირჩმა“ დატოვა, ამის შესახებ ცნობილი გუშინ გახდა. პაატა ბურჭულაძის განცხადებით, „გირჩის“ გაერთიანებიდან გამოყოფის შესახებ გადაწყვეტილება მან თავად მიიღო, რადგან „გირჩს“ საქართველოს ყოფილი პრემიერ-მინისტრი ბიძინა ივანიშვილი აფინანსებს, ეს კი მისთვის მიუღებელია.

„გირჩის“ ლიდერი ზურაბ ჯაფარიძე კი აცხადებს, რომ მათ ბურჭულაძის გაერთიანება საკუთარი ნებით დატოვეს. ზურაბ ჯაფარიძემ გუშინ გაკეთებულ საგანგებო განცხადებაში აღნიშნა, რომ ბურჭულაძემ მისი დაშანტაჟება დაიწყო და თანხის მიტანა მოსთხოვა, წინააღმდეგ შემთხვევაში კი საარჩევნო სიიდან „გირჩის“ წევრების ამოღებით დაემუქრა.

მომხდარს ქართველი პოლიტიკოსები აფასებენ. მანანა კობახიძე პაატა ბურჭულაძეს მარიონეტს უწოდებს და აცხადებს, რომ იგი დავალებების შემსრულებელია:

„საერთოდ ან რისთვის შეიყარნენ, ან რისთვის გაიყარნენ. მე მგონია, რომ ბურჭულაძე ასრულებს დავალებებს, მარიონეტია სამწუხაროდ. ხან გვარამია აძლევს დავალებებს, ალბათ სააკაშვილიც აძლევს, რაღაც დავალებებს იღებს როგორც ჩანს, მაგრამ ნაკლებ საინტერესოა ეს ყველაფერი. კომიკური სიტუაციაა უბრალოდ. ალბათ მხოლოდ თვითონ დარჩება ბოლოს ამ პარტიაში,"-აცხადებს მანანა კობახიძე.