რუსთავი 2 გააშუქებს მხოლოდ ფარული მასალების მოპოვება-გავრცელების კანონიერებას

რუსთავი 2 გააშუქებს მხოლოდ ფარული მასალების მოპოვება-გავრცელების კანონიერებას - გვარამია

პოლიტიკა - 18:41, 27 Sep, 2016

5482

რუსთავი2-ის გენერალური დირექტორის ნიკა გვარამიას განცხადებით მისი ტელეკომპანია ემიჯნება უკანონო ფარული მიყურადების და დაუდასტურებელი არავთენტური მასალების გავრცელებას და მათი შინაარსის განხილვას. გვარამიამ მისი პროკურორობის დროს გავრცელებულ ფარულ ჩანაწერებზეც ისაუბრა და აღნიშნა, რომ მიუხედავად იმისა, რომ ის ჩანაწერები კანონიერი გზით იყო მოპოვებული, მათი გავრცელება თავისი და ყოფილი ხელისუფლების უმძიმეს შეცდომად მიაჩნია:

„რუსთავი2-ის ემიჯნება უკანონო ფარული მიყურადების და დაუდასტურებელი არაავთენტური მასალებს და მოუწოდებს სხვებს, რომ გაემიჯნონ არა მარტო სახელმწიფო გადატრიალებას, არამედ სამარცხვინოდ და ამორალურად ამ ტიპის მასალების კონტენტის განხილვას. ეს არა მარტო ტელევიზიებს ეხება, არამედ კერძო პირებსაც. ამ ტიპის მასალების განხილვა არის სამარცხვინო ამორალობა და მე პირადად, რომელსაც კანონიერად მოპოვებული მასალების, კანონიერად გავრცელება დღეს ნამდვილად მიმაჩნია ჩემს უმძიმეს შეცდომად და იმ ხელისუფლების უმძიმეს შეცდომად" -განაცხადა გვარამიამ.

მისივე თქმით, რუსთავი 2 გააშუქებს მხოლოდ ამ მასალის მოპოვება-გავრცელების კანონიერებას და იმ პირების პასუხისმგებლობას, ვინც მსგავს მასალებს ავრცელებს.

,,თუ საზოგადოება უარს არ იტყვის მსგავსი მასალების განხილვაზე, არასოდეს დაილევა ბიძინა ივანიშვილის მსგავსი ხალხი, რომლებიც უკანონოდ მოიპოვებენ ამ მასალებს და განათავსებენ. მათი მიზანი არის ის რომ ხალხმა ამ მასალების შინაარსის განხილვა დაიწყოს. ეს არის დაახლოებით იგივე პარალელი, რაც არის ნარკოტიკის მომხმარებელსა და ბარიგას შორის, თუ არ იარსებებენ ბარიგები არ იარსებებენ ნარკოტიკის მომხმარებლები და პირიქით" - განაცხადა გვარამიამ.

რუსთავი 2-ის გენერალური დირექტორი ამბობს, რომ ბიძინა ივანიშვილის რეჟიმი უკანონოდ უსმენს და ამონტაჟებს გაუგებარ ვიდეო-აუდიო მასალებს, რომელიც მიზანიც, გვარამიას თქმით, არა მარტო პოლიტიკურ ძალებთან არამედ საზოგადოებასთან ანგარიშსწორებასაცა. ნიკა გვარამია ამბობს, რომ 8 ოქტომბერს არის რეფერენდუმი, სადაც მისი თქმით, საზოგადოებამ უნდა შემოხაზოს ნებისმიერი ნომერი გარდა 41-ისა.