ცაგარეიშვილი ფარულ ჩანაწერში მონაწილე პირების არჩევნებიდან მოხსნას ითხოვს

პოლიტიკა - 16:24, 27 Sep, 2016

3103

„თავისუფალი დემოკრატების“ საარჩევნო შტაბის უფროსის გია ცაგარეიშვილის თქმით, "ნაციონალური მოძრაობის" წევრები დესტაბილიზაციის მოწყობაზე წამსვლელები არიან, რათა პოლიტიკური მდგომარეობა გაიუმჯობესონ. ამის შესახებ განცხადება ცაგარეიშვილმა ტელეკომპანია "პირველის" ეთერში გააკეთა:

„რა არის ახლა ამაში გაუგებარი და ახალი, რაც ჩვენ აქამდე არ გაგვიგია?! უბრალოდ, ახლა, ეტყობა მანიაკალიზმის ახალ ფორმაზე გადავიდნენ. ოთხი წლის წინ იყო უკანალში ცოცხი, ახლა არის - უკანალში ჯოხი. ბატონი ცისკარიშვილი ამბობს ამას პირდაპირ, არ ვიგონებ. ბატონი ბობოხიძე ამბობს, რომ მას ერთი სახელმწიფო გადატრიალება სამხედრო გზით უკვე მოწყობილი აქვს და მეორესაც ჩაიდენს. ეს ბანდა მოთარეშეების, მთავარი ბანდიტის შეკრებილი, რომელიც ახლა გახიზნულია ქვეყნიდან, გეგმავს, როგორც ჩანს, დიდ შეთქმულებას ქართული სახელმწიფოს წინააღმდეგ. ეს ასეა რეალურად, ჩემთვის ეს ასეა 2003 წლის ავადსახსენებელი ვარდების რევოლუციიდან მოყოლებული. ეს დღევანდელი ხელისუფლების ბრალია, რომ ამ ავაზაკებს ადგილი არ მიუჩინა, საქართველომ პროკურატურამ უნდა მოითხოვოს საარჩევნო პროცესიდან მოშორება ამ ნაძირლების, რომლებიც ქვეყნის დაქცევას აპირებენ. რაც არ უნდა იძახონ, რომ არ არის ავთენტური, ეს ასეა და ამაში ეჭვი არ შემაქვს. რომელი ჭკუათმყოფელი შეიტანს ამაში ეჭვს. ვისაც სჯერა, რომ ეს ავტენტური არაა, ოდესიდან სოლოლაკის ქედამდე გათხრილ გვირაბში უნდა შეყარო და ამოუქოლო აქედან და იქიდან შესასვლელი და იქ იყვნენ ჯოჯოხეთში, რომელსაც ქართველ ხალხს 9 წლის განმავლობაში უწყობდნენ“- განაცხადა ცაგარეიშვილმა. მისი თქმით, "ნაციონალური მოძრაობა" დარწმუნებულია, რომ არჩევნებს აგებს და ძალაუფლების დაბრუნებას ამ გზით ცდილობს.