არ დავუშვებთ ვიღაცებმა გადატრიალება და სისხლისღვრა მოაწყონ

არ დავუშვებთ ვიღაცებმა გადატრიალება და სისხლისღვრა მოაწყონ - კალაძე ფარულ ჩანაწერებზე

პოლიტიკა - 13:56, 27 Sep, 2016

2712

„ქართული ოცნება - დემოკრატიული საქართველოს“ გენერალური მდივანი პირობას დებს, რომ ქვეყანაში დესტაბილიზაციასა და სისხლისღვრას არ დაუშვებს. კალაძემ ეს განცხადება ინტერბეტში გავრცელებული ფარული ჩანაწერის კომენტირებისას გააკეთა.

„მინდა გითხრათ, რომ არავის არაფერი არ გამოუვა. ჩვენ ვმოქმედებთ კანონის ფარგლებში. ჩვენთვის მთავარი ამოცანაა არჩევნების მშვიდობიან პირობებში ჩატარება, არჩევნების თავისუფალ გარემოში ჩატარება, სადაც ყველა პოლიტიკურ პარტიას მიეცემა შესაძლებლობა წყნარ გარემოში მიაწოდოს ყველა მოქალაქეს თავისი ხედვა ქვეყნის განვითარების შესახებ. ჩვენ არ დავუშვებთ იმას, რომ ვიღაცებმა ქვეყანაში რაღაც გადატრიალებები, სისხლისღვრები მიაწყონ“, - განაცხადა კალაძემ.
მისივე თქმით, „ნაციონალური მოძრაობის“ მცდელობაზე რომ მოახდინონ დესტაბილიზაცია, მიუთითებს დღეს გავრცელებული ჩანაწერი, ასევე „თავისუფალი ზონის“ ყოფილი წევრების მიერ გუშინ გაკეთებული განცხადება.

„არჩევნები წაგებული აქვთ და ერთადერთ გამოსავალ გზად დესტაბილიზაციას ხედავენ“, - განაცხადა კახა კალაძემ.