"სააკაშვილი თავის მოძრაობას საფლავს უთხრის, ენმ-ს კიდევ ბევრი წევრი დატოვებს“- სოზარ სუბარი

პოლიტიკა - 13:54, 27 Sep, 2016

1673

ფარულ ჩანაწერებთან დაკავშირებით დევნილთა და განსახლების მინისტრმა სოზარ სუბარმა კომენტარი გორში ვიზიტისას გააკეთა. ,,ნიუპოსტის“ კორესპონდენტის ცნობით, მან ნაციონალურ მოძრაობას სააკაშვილის ხელმძღვანელობით კრიმინალური ბანდა უწოდა და განაცხადა, - ის რომ „ნაციონალური მოძრაობა“ არჩევნებს წააგებს თავადაც იციან, ამიტომ მათი ერთადერთი გამოსავალი ქვეყანაში არეულობის მოწყობაა რასაც ისინი ვერ შეძლებენ.
“სააკაშვილი და მისი ,,ნაციონალური მოძრაობა“ არის ერთი კრიმინალური ბანდა, კრიმინალური ლიდერით სათავეში. ეს ვიცოდით, არაერთი მტკიცებულება არსებობდა, დღევადელი ჩანაწერებით ეს კიდევ ერთხელ დამტკიცდა და რაც მთავარია გამოჩნდა ის რაც ისედაც ვიცოდით, რომ ისინი აბსოლიტუდარ დარწმუნებულები არიან, რომ არჩევნებს აგებენ, ძალიან მაგრად და ამიტომ მათი ერთადერთი შანსი არის არეულობის მოწყობა. ოღონდ, სააკაშვილის ბანდის ყველა წევრმა იცის, რომ არეულობის არანაერი შანსი არ აქვთ და ისინი ამაზე ვერ წავენ, უბრალოდ ვერ ეწინააღმდეგებიან თავის ლიდერს, უცხოეთის მოქალაქეს და იძულებულები არიან ტელეფონში კვერი დაუკრან. სინამდვილეში კარგად იციან, რომ ეს ვერ მოხდება და რაც მოხდა გუშინ, როცა რამდენიმე ახალგაზრდამ დატოვა ეს მოძრაობა, იმიტომ რომ არ უნდათ კრიმინალში გახვევა და საქართველოს ინტერესების წინააღმდეგ წასვლა ეს ტემპი გაგრძელდება. ძალიან კარგად უწოდა სააკაშვილს მისმა მეუღლემ, როცა შეადარა რაღაც თხუნელას რომელიც გვირაბებს თხრის, მაგრამ ეს ადამიანი გვირავბებს კი არ თხრის თავის მოძრაობას უთხრის საფლავს“-განაცხადა სოზარ სუბარმა.