,,წელს სააკაშვილთან სატელეფონო საუბარი არ მქონია, არც ამ შემადგენლობით გავსულვართ ქვეყნიდან"

,,წელს სააკაშვილთან სატელეფონო საუბარი არ მქონია, არც ამ შემადგენლობით გავსულვართ ქვეყნიდან" - ბობოხიძე

პოლიტიკა - 12:29, 27 Sep, 2016

2097

„ერთიანი ნაციონალური მოძრაობის“ წევრის აკაკი ბობოხიძის თქმით ფარული ჩანაწერი, რომელიც დღეს ინტერნეტში გავრცელდა დამონტაჟებულია, რადგან მას ბოლო ერთი წლის განავლობაში არც სააკაშილთან ქონია სატელეფონო საუბარი და არც ენმ-ს წევრები გასულან ამ შემადგენლობით ქვეყნიდან.

„ბიძინა ივანიშვილი როგორც ჩანს საერთოდ მოწყვეტილია რეალობას, ეს ყველაფერი არის სასაცილო სატირალი რომ არ იყოს, რომ ეს ავადმყოფი კაცი მართავს დღეს ჩვენ ქვეყანას. წელს არც სატელეფონო საუბარი არ მქონია მიხეილ სააკაშვილთან და არც ამ შემადგენლობით, რა შემადგენლობაც ვითომ საუბარში მონაწილეობს არ ვყოფილვართ გასული საქართველოდან. ასე რომ ეს საუბარი ვერ შედგებოდა ვერც ტელეფონით და ვერც პიროვნულად ვერცერთ შემთხვევაში. ძალიან მარტივია სუსმა შეიძლება ამოიღოს საზღვრის კვეთის ჩანაწერები, ეს შემადგენლობა არათუ უკრაინაში, არსად არ ყოფილა.“- განაცხადა აკაკი ბობოხიძემ.

შეგახსენებთ, ინტერნეტში გავრცელებულ ფარული ჩანაწერში რომლის ავთენტურობა ჯერჯერობით დაასტურებული არაა, სავარაუდოდ მიხეილ სააკაშვილი და ენმ-ს ლიდერები საარჩევნო გეგმებს განიხილავენ, მათ შორის რევოლუციურ სცენარსაც.