ინტერნეტსივრცეში დღეს საქართველოს ყოფილი პრეზიდენტის მიხეილ სააკაშვილისა და „ერთიანი ნაციონალური მოძრაობის“ წევრების ფარული აუდიო ჩანაწერი გავრცელდა. ჩანაწერის ავთენტურობა ჯერჯერობით უცნობია. აღნიშნულს მიხეილ სააკაშვილი სოციალურ ქსელში გამოეხმაურა და მას „უნიჭო მონტაჟი“ უწოდა.

ჩანაწერზე საუბრობს პერსონალურ მონაცემთა დაცვის ინსპექტორი, თამარ ქალდანი და მიიჩნევს, რომ შესაბამისი უწყებების მხრიდან კომენტარების გაკეთებამდე, ამ ჩანაწერზე საუბარი არ შეიძლება:

„შინაარსს ვერ შევაფასებ, გავეცანი ძალიან მოკლედ, სჯობს დაველოდოთ გამოხმაურებას და იმ რეაგირებას, რასაც სავარაუდოდ სხვადასხვა სამართალდამცავი უწყებები განახორციელბენ. აქედან გამომდინარე ჯერჯერობით კომენტარს ვერ გავაკეთებ“, - განაცხადა თამარ ქალდანმა.