ივანიშვილი ხოშტარიას ანალიზს უქებს, მელია არ მოსწონს, ენმ-ს ლიდერს ყვარყვარეს უწოდებს

პოლიტიკა - 14:25, 26 Sep, 2016

3027

„ერთიანი ნაციონალური მოძრაობა“ კიდევ ერთხელ გახდა ბიძინა ივანიშვილის კრიტიკის საგანი. ივანიშვილის თქმით ყოფილი მმართველი გუნდის მიერ ეკონომიკური დანაშაულის დეკრიმინალიზაციაზე და პატრიოტიზმზე საუბარი ცინიზია:

„ვერ მომინელებია ნაციონალური მოძრაობის წარწერა, მელია და ხოშტარია, რომ პირდებიან მოსახლეობას ეკონომიკური დანაშაულის დეკრიმინალიზაციას, ყველაზე არაკორუფციული ქვეყანა ვართ, რა მოხდა, როგორი გარდაქმნა და რა იყო ადრე. ცინიზმია, თანაც მელიაზე არ მაქვს დიდი წარმოდგენა ინტელექტუალური, არ ვიცი როგორ ახერხებს შეფასებას, მაგრამ ხოშტარიასთან კამათიც მქონია და საკმაოდ კარგად იცის ანალიზიც და შეფასებაც, მშვენივრად იცის ხოშტარიამ, რა იყო, როგორი კრიმინალური იყო ეკონომიკა და დღეს რომ მსგავსი არაა, დღეს რომ პირდება დეკრიმინალიზაციას, უყვარს მას ეს ქვეყანა თუ არა, აი მასზე მაქვს კითხვის ნიშანი. იმ გუნდს რომ შევხედავთ, რომ გავყვეთ შეიძლება ის მამა აბრამის ბატკანივით დარჩეს. მაჭავარიანია ამ გუნდში და ხმების მოპარვის მეტი არაფერი გაუკეთებია, მათი ლიდერი ტიპიური ყვარყვარეა, მათი ეტალონი ნათელაშვილია, თავიანთი ლიდერის შემდეგ, დღესაც ახერხებს ენმ და რ2 ნათელაშვილის „რასკრუტკას“ ესე ვთქვათ... „- განაცხადა ბიძინა ივანიშვილმა.