,,თავისუფალი ზონა სააკაშვილს არჩევნების შემდეგ დესტაბილიზაციის მოსაწყობად სჭირდება“

,,თავისუფალი ზონა სააკაშვილს არჩევნების შემდეგ დესტაბილიზაციის მოსაწყობად სჭირდება“ - ორგანიზაციას წევრები ტოვებენ

პოლიტიკა - 13:27, 26 Sep, 2016

3744

მე შევხვდი რამდენიმე დღის წინ უკრაინაში მიხეილ სააკაშვილს, რომელმაც მითხრა, რომ ჩვენი ორგანიზაცია „თავისუფალი ზონა“ სჭირდება არჩევნების შემდეგ დესტაბილიზაციის მოსაწყობად, – ეს განცხადება „კვირას“ პრესკლუბში გამართულ საგანგებო პრესკონფერენციაზე „თავისუფალი ზონის“ წევრებმა რამდენიმე წუთის წინ გააკეთეს.

ორგანიზაციის გლდანის რაიონული განყოფილების წევრები „თავისუფალ ზონას“ ტოვებენ, მათი გაცხადებით, საქართველოში შეიქმნა ორგანიზაცია „საქართველოს ერთგულების სახელით“, რომელსაც უშუალოდ აქვს დავალებული არჩევნების შემდეგ ხალხის ქუჩაში გაყვანა და დესტაბილიზავიის მოწყობა.

“მიხეილ სააკაშვილს შევთავაზე არჩევნებში ჩვენი რესურსის გამოყენება, ჩვენ ვიყავით „ნაციონალური მოძაობის“ მხარდამჭერები 2012 წლიდან, მაგრამ ამ ორგანიზაციამ უკვე პოლიტიკური მნიშვნელობა დაკარგა და არჩევნების შემდეგ ქვეყანაში ქაოსის შემოტანას აპირებს, რაშიც ჩვენ არ მივიღებთ მონაწილეობას“-განაცხადა „კვირას“ პრესკლუბში ბესო კალაძემ „თავისუფალი ზონის“ წევრებთან ერთად.

ორგანიზაციის ყოფილი წევრები აცხადებენ, რომ არჩევნების შემდეგ დაგეგმილია სახელმწიფო ინსტიტუტების ბლოკირება.

“’საქართველოს ერთგულების სახელით“ ამ ორგანიზაციის მთავრი მიზანი იქნება ქვეყანაში დესტაბილიზაციის მოწყობა. აგვისტოს თვიდან პარტიულ შეკრებებზე გაჟღერდა ინფორმაცია, რომ არჩევნების შემდეგ დესტაბილიზაციას აპირებს „ნაციონალური მოძრაობა“. მე ოდესაში მითხრა სააკაშვილმა, რომ ინსტრუქციებს შუამავლის მეშვეობით მივიღებდით. არჩევნების გაყალბების სახელით უნდა დაგვეწყო საპროტესტო აქციები. ხალხი გვეიძულებინა ქუჩაში გამოსულიყო.

მოხდებოდა სახელმწიფო უწყებების ბლოკირება და ამ ყველაფერს შეიძლება მოჰყოლოდა მსხვერპლი. მე სააკაშვილს ამ დიალოგის დროს დავთანხმდი, რადგან მე უკრაინიდან მშვიდობით მინდოდა წამოსვლა”, -განაცხადა ბესო კალაძემ.

ბესო კალაძე არ გამორიცხავს, რომ მის მეგობრებს ამ განცხადების შემდეგს საფრთხე შეექმნეთ.

“მე ვაფრთხილებ „ნაციონალურ მოძრაობას“ თუ ვინმე ჩემი გუნდის წევრს რაიმე დაემართება მთელ პასუხისმგებლობას ვაკისრებ „ნაციონალურ მოძრაობას”.

მე ვაფრთხილებ საზოგადოებას არ აყვნენ პროვოკაციას და „ნაციონალურ მოძაობის“ მოქმედ წევრებს ვთხოვ დატოვონ ეს უკვე დანაშაულებრივი ორგანიზაცია“

„თავისუფალი ზონის“ უკვე ყოფილი წევრები უახლოებს დღეებში ბრიფინგს ჩაატარებენ, სადაც დეტალურად ისაუბრებენ თუ რა იგეგმებოდა უკრაინიდან საქართველოში 9 ოქტომბერს.

ორგანიზაციის გლდანის განყოფილების წევრებმა მარიამ კოხრეიძემ, ბესო კალაძემ, ირაკლი ქომეთიანმა, ქრისტი კვარაცხელიამ, გიორგი არჩვაძემ, ლანა აბრამაშვილმა, დევიდ ლაბაძემ, თამუნა კეკელიძემ, გიორგი ჭინჭარაულმა და ნინო ახალმოსულიშვილმა დატოვეს.