„რას ნიშნავს გავლენიანი ჯგუფი"- ლევან მურუსიძე ბრალდებებს პასუხობს

პოლიტიკა - 12:57, 26 Sep, 2016

1467

იუსტიციის საბჭოს მდივანი სასამართლო სისტემაში კლანური მმართველობის არსებობას კატეგორიულად გამორიცხავს.

"რას ნიშნავს გავლენიანი ჯგუფი, არის მოსამართლეთა კონფერენციის მიერ არჩეული მოსამართლები, რომელებიც იუსტიციის უმაღლეს საბჭოს შეადგენენ, ასევე პარლამენტისა და პრეზიდენტის მიერ შერჩეული კანდიდატურები, რომლებიც იღებენ გადაწყვეტილებებს, ვინ დაინიშნოს მოსამართლედ და ვინ არა. მე გადაწყვეტილების მიღების დროს ვხელმძღვანელობ იმით, ის მოსამართლეები, რომლებიც მუშობდნენ და დიდი ხნის გამოცდილება აქვთ, არიან ღირსეული კანდიდატები, მათ ვაძლევ ხმას. თუ ეს კლანურობად მიაჩნიათ არასამთვრობო ორგანიზაციებს, სხვადასხვა პარტიის წარმომადგენელს, კონკურსში მიიღონ მონაწილეობა და გამოიყვანონ ე.წ. თავისი ფალავნები,"- განაცხადა ლევან მურუსიძემ.

მურუსიძემ ჩინჩალაძესთან და ვალერი ცერცვაძესთან მეგობრობა დაადასტურა. მათ კი კლანურ მმართველობაში ადანაშაულებენ,

"ჩინჩალაძესთან ახლო მეგობრული ურთიერთობა მაკავშირებს, მაგრამ მე ვარ იუსტიციის საბჭოს მდივანი და ვმოქმედებ ისე, როგორც მე მიმაჩნია საჭიროდ. მე ვარ კონფერენციის მიერ არჩეული საბჭოდ მდივანი და გარწმუნებთ, ლევან მურუსიძეს აქვს იმის უნარი, შნო, ავტორიტეტი სასამართლო სისტემაში, რომ მიიღოს ის გადაწყვეტილება, რაც მას მიაჩნია საჭიროდ,“- განაცხადა ლევან მურუსიძემ.