ეს არის ძალიან უსაფუძვლო ბრალდება" - იზორია P.S-ში გასულ სიუჟეტზე

პოლიტიკა - 12:49, 26 Sep, 2016

2121

საქართველოს თავდაცვის მინისტრი ლევან იზორია, ირწმუნება, რომ ნათესავისთვის ხელი არ დაუფარებია და ის საქმის ბოლომდე შესწავლას მოითხოვდა.

როგორც მინისტრმა აღნიშნა, არ არსებობდა კონკრეტული მტკიცებულებები.

„ეს არის ძალიან უსაფუძვლო ბრალდება, იგივე ბრალდება, როგორიც თითქოსდა ქვის ხანაში არის, რომელიღაც კონკრეტული რაიონი, გაიჟღერა ერთ-ერთი რესპოდენტისგან ასეთმა შეურაცხმყოფელმა განცხადებამ. პირიქით, მე გახლდით იმ დროს შინაგან საქმეთა მინისტრის მოადგილე და სწორედ ამ უწყებამ უზრუნველყო მისი დაკავება, ის წარსდგა მართლმსაჯულების წინაშე და ბუნებრივია ის სამართლებრივი პროცედურები, რაც გათვალისწინებულია ასეთი შემთხვევების დროს, რეაგირებისთვის იყო მაქსიმალურად დაცული.

თქვენ ფიქრობთ, რომ მე დავმალე ეს მტკიცებულებები? თუ გქონდათ ეს მტკიცებულებები, მაშინაც იყო საჯარო, დღესაც აქვთ შესაძლებლობა, თუ ვიღაცას პრეტენზია აქვს ან თუ განცდა აქვს ვინმეს, რომ ობიექტურად არ წარიმართა, მიმართონ, არსებობს შესაბამისი უწყებები,“-განაცხადა ლევან იზორიამ.

ტელეკომპანია რუსთავი 2-ის ეთერში გადაცემა P.S-ში გასულ იმ რეპორტაჟში თავდაცვის მინისტრის ერთ-ერთი ახლო ნათესავის მიერ ჩადენილი დანაშაულის დამალვის ფაქტზე იყო საუბარი.