,,თუ ივანიშვილი საქართველოს დაუდგება წინ, ეს იგივეა გაქანებულ მატარებელს დაუდგეს და მაშინ... ივანიშვილი დარჩება რელსებზე „- სააკაშვილი

პოლიტიკა - 18:18, 25 Sep, 2016

10372

დაინახოს მტერმა რომ ძალიან ბევრნი ვართ და წინ ვერაფერი დაგვიდგება - ბათუმის ბულვარში შეკრებილ ნაციონალური მოძრაობის მხარდამჭერებს სატელეფონო ჩართვით მიმართდა დღეს საქართველოს მესამე პრეზიდენტმა მიხეილ სააკაშვილმა და მადლობა გადაუხადა თანადგომისთვი.

,,ჩემო მეგობრებო, როგორც ვიცი, დილიდან წვიმდა ბათუმში, შემდეგ ეს ღრუბლები გადაიშალა, ამინდი გამოვიდა და წვიმა შეწყდა. ასევე, ბოლო ოთხი წლის უბედურება დაპაუზდება, ყველაფერი უკან დარჩება, როგორც ბნელ კოშმარად, რომლის გახსენებაც აღარ მოგვინდება, იმიტომ, რომ ბათუმში, აჭარაში და საქართველოში ყოველთვის უნდა ვიაროთ წინ, უკანსვლის გარეშე. ჩემო მეგობრებო, ივანიშვილი ბოლო ხრიკებს მიმართავს. თქვენ ნახეთ, როგორ რთულ მდგომარეობაშია, ამ დიდი კულტურის კუთხეში ათასგვარ სისულელეს იძახის, ცდილობს ხალხის დაშინებას. მინდა გითხრათ, ვერავის შეაშინებს, ვერ გააყალბებს, ვერავის ამჯერად ვერ გააბრიყვებს, ვერავის წინ ვერ დაუდგება, საქართველოს წინ ვერ დაუდგება, იმიტომ, რომ თუ ივანიშვლი საქართველოს დაუდგება წინ, ეს იგივეა, რომ გაქანებულ მატარებელს დაუდგეს წინ და მაშინ მატარებელი მაინც გაივლის და ივანიშვილი დარჩება რელსებზე“, - აღნიშნა მიხეილ სააკაშვილმა

ერთიანი ნაციონალური მოძრაობის ლიდერებმა, ბათუმში დღეს ამომრჩევლებს აჭარის ჩრდილოვანი მინისტრთა კაბინეტი წარუდიგინეს.

აჭარის ჯანდაცვის მინისტრი - ლევან ანთაძე, ფინანსთა მინისტრი - ზაზა ფარსენაძე, სოფლის მეურნეობის მინისტრი დონარი სურმაიძე, კულტურის მინისტრი - ზაურ დავითაძე.

პარტიის ლიდერებმა ლევან ვარშალომიძემ, დავით ბაქრაძემ, ნიკა მელიამ და სანდრა რულოვსმა მხარდამჭრებს პარტიის სამოქმედო პროგრამა გააცნეს და ქვეყნის განვითარების გეგმაზე ისაუბრეს.