,,არაფორმალური მმართველი ფეოდალივით იბარებს ექსპერტებს. ეს არის ფუჭი ლაყბობა“

,,არაფორმალური მმართველი ფეოდალივით იბარებს ექსპერტებს. ეს არის ფუჭი ლაყბობა“ - გოცირიძის პასუხი ივანიშვილს

პოლიტიკა - 13:27, 24 Sep, 2016

2201

,,ეს არის უბრალოდ თავყრილობა, როდესაც ერთი ადამიანი თავის ჭიას ახარებს“ - ,,ნაციოანლური მოძრაობის“ წევრი რომან გოცირიძე ბიძინა ივანიშვილს პასუხობს და აცხადებს, რომ ექსპრემიერის მიერ გამართულ ეკონომიკურ ფორუმზე არცერთი სერიოზული წინადადება არ ყოფილა, რომელიც ქვეყანას წაადგებოდა. გოცირიძის განცხადებით, ის ივანიშვილის მიერ ორგანიზებულ ორ ფორუმს ესწრებოდა, თუმცა ვინაიდან აქ ქვეყნის და ეკონომიკის განვითარებისთვის საჭირო წინადადებები ვერ მოისმინა, შემდგომ ფორუმებზე აღარ მისულა.

,,ეს არის საქართველოში არსებული პოლიტიკური მმართველობის მახინჯი სისტემის დემონსტრირება, როდესაც სახელისუფლებო უფლებამოსილების არმქონე პირი ფეოდალივით იბარებს თავისთან ექსპერტებს, ბიზნესმენებს, მთავრობას და საზოგადოების წარმომადგენლებს და ანგარიშის ჩაბარებას ითხოვს, როგორც პატრონი. არ ყოფილა არცერთი რაიმე ისეთი დოკუმენტი, რომელიც ეკონომიკურ ცხოვრებაში ან დანერგილიყო, ან რაიმეს განვითრებისთვის შეეწყო ხელი. ექსპერტის სტატუსით ორ ფორუმს დავესწარი. თავად ივანიშვილი 15 წუთით ჩერდებოდა და შემდეგ მიდიოდა. ამ ფორუმებზე არცერთი სერიოზული წინადადება არ ყოფილა, რომელიც ქვეყანას წაადგებოდა, ეკონომიკურ განვითარებას შეუწყობდა ხელს. ესაა ფორუმი, სადაც მოდიან ბიზნესმენები, ექსპერტები არაფორმალურ მმართველს ანგარიშს აბარებენ. ეს ფორმატი ფუჭი ლაყბობაა. ამბობენ, რომ მე-7 ფორუმია, სინამდვილეში კი მ-ე5 ფორუმია, საიდანაც ორს ვესწრებოდი კიდეც“ - განაცხადა გოცირიძემ.